Адамдарды іздеуге және қауіпсіздікті қамтамасыз етуге қызметтік иттерді даярлау
Адамдарды іздеуге және қауіпсіздікті қамтамасыз етуге қызметтік иттерді даярлау
Қазақстан Республикасының Ішкі істер министрлігіне қарасты кинологиялық орталық қызметтік-іздестіру иттерін әртүрлі бағыттар бойынша, соның ішінде есірткі және жарылғыш заттарды іздеуге арналған даярлықты жүзеге асырады. Сондай-ақ, орталықта адамды иіс бойынша іздеуге бағытталған иттерді оқыту да жүргізіледі.
Қазіргі уақытта ІІМ кинологиялық орталығында Абай облысы Полиция департаментінің кинологиялық қызмет орталығының кіші инспектор-кинологы және Лилия атты қызметтік иті оқу-дайындықтан өтуде. Оқу барысында Лилия қалалық ортада да, сондай-ақ таулы және орманды жерлер сияқты күрделі ландшафттарда да иіс бойынша іздеуге үйренуде.
Қызметтік иттер жоғалған адамды іздестіру кезінде, іздестіру-құтқару операцияларында маңызды рөл атқарады. Иттердің өткір иіс сезу қабілеті мен арнайы дайындығының арқасында олар басқа іздестіру әдістерімен анықталмайтын іздерді таба алады. Оқу аяқталғаннан кейін кіші инспектор-кинолог пен Лилия Абай облысы ПД кинологиялық қызмет орталығында қызмет атқарып, іздестіру-құтқару және басқа да жедел іс-шараларға қатысады.