Абай облысы Полиция департаментінің 50-ге жуық қызметкері Семей қаласындағы «Алаш арыстары – Мұхтар Әуезов» музейіне экскурсияға барды.

Бұл экскурсия полиция қызметкерлеріне тек тарихи білім беріп қана қоймай, рухани тәрбиеге де үлкен әсер қалдырды. Мұражайдың қабырғасында сақталған жәдігерлер, суреттер мен архив материалдары ХХ ғасыр басындағы қазақ зиялыларының өмірі мен шығармашылығының тереңдігіне терең бойлауға мүмкіндік берді. Музейде көрсетілген әрбір экспонат тек өткенді еске салмай, тарихқа кеңінен көз жүгіртуге мүмкіндік берді.

Тарихи жәдіргерлерді өз көздерімен көріп, рухани азық алған полицейлер:

«Мұндай тарихи экскурсия бізге тек кәсіби міндетімізді орындау кезінде ғана емес, жеке тұлға ретінде де рухани бай болуға мүмкіндік берді. Мұражайдағы әрбір экспонат – өткеннің терең тарихын, Алаш арыстарының қаһармандық пен әділдіктерін сезіну үшін терезе. Біз үшін бұл кездесу тарихты көріп, сезіну, өз еліміздің мәдени мұрасын құрметтеу тәжірибесі болды».

Музей экспозициясы – бұл тек М. Әуезовтің ғана емес, тұтас Алаш арыстарының рухани мұрасы мен Семейдің әдеби-саяси өміріндегі тарихи орындарының тірі бейнесі. Қызметкерлер үшін бұл кездесу білімге ғана емес, рухани ойлануға да жол ашқан ерекше сәт болды.