Егер жасөспірім түнде көшеде ата-анасыз жүрсе: Абай облысының полициясы келесі қадамды түсіндірді

Егер жасөспірім түнде көшеде ата-анасыз жүрсе: Абай облысының полициясы келесі қадамды түсіндірді

Абай облысы Полиция департаменті еске салады: 18 жасқа толмаған кәмелетке толмағандарға түнгі уақытта ата-анасының немесе заңды өкілдерінің еріп жүруінсіз үйден тыс жерде болуға тыйым салынады.

⚖️ Бұл норма ҚР ӘҚБтК-нің 442-бабында қарастырылған.

Полицияның мәліметінше, дәл түнгі уақытта жасөспірімдер қылмыстың құрбанына жиі айналады, жазатайым оқиғаларға тап болады, төбелеске, алкоголь тұтынуға және өзге де құқыққа қайшы жағдайларға араласады.

🚔 Полиция қалай әрекет етеді:

1️⃣ Егер жасөспірім түнде көшеде, аулада, компьютер клубында, кафеде немесе басқа қоғамдық орында ересектерсіз жүрсе — полиция қызметкерлері оның жеке басын анықтап, ата-анасымен байланысады.

2️⃣ Бірінші рет анықталған жағдайда ата-анасына ескерту жасалады.

3️⃣ Қайталанған құқық бұзушылық үшін әкімшілік айыппұл қарастырылған.

4️⃣ Егер жасөспірім ауылдық жерде тұрса немесе ата-анасы жедел келе алмаса, кәмелетке толмаған бала заңды өкілдеріне тапсырылғанға дейін уақытша Семей қаласындағы Кәмелетке толмағандарды бейімдеу орталығына орналастырылады.

5️⃣ Жүйелі түрде қайталанған жағдайда материалдар әкімдік жанындағы Кәмелетке толмағандардың құқықтарын қорғау комиссиясында қаралады.

6️⃣ Комиссияның ұсынысы бойынша жасөспірім қараусыз немесе қадағалаусыз қалған ретінде ішкі істер органдарының профилактикалық есебіне қойылуы мүмкін.

⚠️ Полиция бұл тек заң бұзушылық мәселесі ғана емес, ең алдымен баланың қауіпсіздігі екенін атап өтеді.

Түнгі көше — жоғары қауіп аймағы:
— қылмыс,
— жол-көлік оқиғалары,
— жанжалдар,
— құқыққа қайшы ортаға тартылу.

👨‍👩‍👧‍👦 Абай облысы Полиция департаменті ата-аналарды балалардың қайда жүргенін бақылауға, олардың араласатын ортасын білуге және кәмелетке толмағандарды түнгі уақытта қараусыз қалдырмауға шақырады.

✅ Баланың қауіпсіздігі — ересектердің жауапкершілігінен басталады.