Еліміздегі құқық бұзушылықтардың алдын алу: жаңа кезең
Қазақстан Республикасында қабылданған «Құқық бұзушылық профилактикасы туралы» Заң қоғамның қауіпсіздігін қамтамасыз ету тәсілін өзгертетін маңызды құжат болып отыр. Енді басты назар тек қана құқық бұзушылықтарды жазалау емес, оларды алдын алу жүйесіне қойылады.
Бұл заң аясында қоғамдық қауіпсіздік – мемлекет пен қоғамның бірлескен міндеті ретінде қарастырылып, құқық қорғау органдары, әкімдіктер, білім беру және әлеуметтік мекемелер, сондай-ақ қоғамдық ұйымдар арасында тиімді өзара іс-қимыл жүйесі қалыптасады.
Алдын алу жүйесінің құрылымы
Жаңа заңның негізгі ерекшелігі – алдын алу шараларының кешенділігі мен жүйелілігінде. Мысалы:
Полиция органдарыӘкімдіктерБілім беру және әлеуметтік мекемелерҚоғамдық ұйымдар
Арнайы назар әлеуметтік жағдайы төмен отбасылар мен кәмелетке толмағандар сияқты осал топтарға аударылады, өйткені олардың құқық бұзушылыққа тартылу қаупі жоғары.
Абай облысы ПД бастығы полиция полковнигі Эльдар Данияров атап өткендей:
«Біз үшін басты мақсат – жазалау емес, құқық бұзушылықтың туындауына жол бермеу. Қауіпсіздік – бұл тек полицияның міндеті емес, ол қоғамның барлық мүшелерінің бірлескен еңбегін талап етеді. Әрбір отбасы, әрбір мектеп пен мекеме, әрбір азамат бұл процеске қатыса алады және қатысуы керек. Алдын алу шаралары тиімді болған сайын, біздің өңірде қылмыс деңгейі төмендейді, азаматтар сенімді және қауіпсіз өмір сүре алады».
Заңда көрсетілгендей, құқық бұзушылықтардың алдын алу тек құқық қорғау органдарының жұмысы емес, қоғамның белсенді қатысуымен іске асатын кешенді процесс. Мұндай тәсіл қылмыстың тамырын алдын-ала кесіп, қоғамда сенім мен тұрақтылықты арттыруға мүмкіндік береді.
Бүгінгі таңда Қазақстанда құқық қорғау органдары мен қоғамдық институттар арасында жаңа серіктестік дәуірі басталды: қауіпсіздік – мемлекет пен қоғамның ортақ құндылығы және әрбір азаматтың басты міндеті.