«Полициямен бірге қуаттан»: Абай облысында полицейлер отбасыларымен бірге таңғы жаттығу өткізді

«Полициямен бірге қуаттан»: Абай облысында полицейлер отбасыларымен бірге таңғы жаттығу өткізді

Абай облысында Спорт күніне орай « Полициямен бірге қуаттан» атты акция өтіп, оның аясында полиция қызметкерлері өз отбасыларымен бірге жаппай таңғы жаттығуға қатысты.

Іс-шара ашық жаттығу форматында өтті: тәртіп сақшылары балаларымен және жақындарымен бірге дене белсенділігін арттыруға және сергек көңіл-күй қалыптастыруға арналған қарапайым жаттығулар кешенін көрсетті. Жаттығу достық әрі көтеріңкі көңіл-күйде ұйымдастырылды.

Полиция қызметкерлері үшін спорт – тек кәсіби қажеттілік қана емес, сонымен қатар денсаулықты таңдаудың жеке үлгісі. Өз өнегесі арқылы олар жастарды және тұрғындарды белсенді болуға, спортпен шұғылдануға және зиянды әдеттерден бас тартуға үндейді.

Акция денсаулық пен қауіпсіздіктің әрқашан қатар жүретінін еске салды.