Экспорттаушылардың шығындарын өтеу туралы ақпарат

Отандық өңделген тауарларды/көрсетілетін қызметтерді сыртқы нарықтарға ілгерілету бойынша индустриялық-инновациялық қызмет субъектілері шығындарының бір бөлігін өтеу жөніндегі уәкілетті орган 2021 жылдан бастап ҚР Сауда және интеграция министрлігінің ведомстволық бағынысындағы компания «QazTrade» АҚ-ы болып табылады.

2022 жылы өткізілген 9 ВАК қорытындысы бойынша 150 компаниядан жалпы сомасы 3 633, 97 млн. теңгеге 244 өтінім мақұлданды, оның ішінде:

- тауарларды жеткізуге байланысты шығындар бойынша – 3 478,2 млн млн. теңге сомасына 221 өтінім;

- тауарларды ілгерілету бойынша – 155,8 млн. теңге сомасына 23 өтінім.

Мемлекеттік қолдаудың осы түрінің орнына экспорттаушылар өздеріне қарсы міндеттемелерді қабылдайды, олар өтем алуға арналған келісімдерде тіркеледі.

Мәселен, экспорт кезінде шығындарының бір бөлігі өтелген 137 компания 2023 жылға қарай мынадай көрсеткіштерді арттыруды жоспарлап отыр:

- экспорт көлемін 107 094,6 млн теңгеге;

- бюджетке салық аударымдарын 16 452, 6 млн теңгеге;

- жұмыс орындарының санын 1 700 адамға.

 

2022 жылғы қаңтар-сәуірде Қазақстаннан өңделген тауарлар экспорты 34,5%-ға өсіп, 7,5 млрд. АҚШ долл. құрады.

 

2022 жылдың 6 айының қорытындысы бойынша мақұлданған өтінімдер келесі субъектілерге берілді:

Шағын бизнес – 138 өтінім;

Орта бизнес – 55 өтінім;

Ірі бизнес – 51 өтінім.

 

Экспорттық шығындарды ішінара өтеуге өтінімдер бойынша мақұлданған компаниялар экономиканың мынадай салаларын ұсынады:

- құрылыс материалдарын өндіру;

- тамақ өнімдері мен сусындар өндірісі;

- машина жасау;

- химия саласы;

- тоқыма саласы;

- резеңкеден және пластмассадан жасалған бұйымдар өндіру;

- дайын металл бұйымдарын өндіру;

- фармацевтикалық өнімдер өндірісі;

- электронды және электр жабдықтарын өндіру және т. б.

 

Шығындардың ішінара Өтемін алған компаниялардың тауарлары экспортының бағыттары: Әзірбайжан, Қырғызстан, Моңғолия, Ресей, Түрікменстан, Өзбекстан, Грузия, Ауғанстан, Қытай, Тәжікстан, Украина, Түркия, Люксембург, Бельгия, Литва, Германия, Дания, Чехия, Польша, БАӘ, Корея Республикасы, Швеция, Франция, Италия, Бразилия, Сингапур, Жапония, Эстония, Беларусь, АҚШ, Армения, Бахрейн, Иран, Оман, Кипр, Канада, Австрия.

 

2021 жылы 24 ВАК қорытындысы бойынша 162 компанияның жалпы сомасы 6 025,97 млн теңгеге 306 өтінімі мақұлданды, оның ішінде:

Өтем алған компаниялар мынадай көрсеткіштерді арттыру бойынша өздеріне қарсы міндеттемелер алды:

- экспорт көлемін 134 874,37 млн. теңгеге;

- бюджетке салық аударымдарын 10 306,49 млн. теңге;

- жұмыс орындарының санын 2 948 адамға.

 

Өткен жылдың қорытындысы бойынша ең көп өтінім (183) “Шағын бизнес» санатындағы компаниялардан келіп түсті. Орта және ірі бизнес компанияларынан сәйкесінше 74 және 49 өтінім келіп түсті.

"QazTrade" АҚ баспасөз қызметі