Қызылорда облысында әлеуметтік маңызы бар азық-түлік тауарларының бағасын тұрақтандыру үшін қандай шаралар қабылданды
Сонымен, Қызылорда облысында азық-түлік тауарларына баға белгілеудің бүкіл тізбегі бойынша делдалдық тізбектердің (схемалардың) 5 533 қатысушысы анықталды және тиісті тексерулер жүргізу үшін бәсекелестікті қорғау және дамыту департаментіне жіберілді (оның ішінде 324 өндіруші және дистребьютерлік компаниялар, 430 заңды және жеке тұлғалар мен көтерме сауда бойынша фирмалар, сондай-ақ 4 779 супермаркет, шағын маркет, үй жанындағы дүкендер).
Тұрақтандыру қорын қалыптастыруға облыстық бюджеттен соңғы екі жылда (2020-2021) 2134,3 млн. теңге бөлінген.
Қазіргі уақытта тұрақтандыру қорында 1376,2 тонна өнім бар, оның ішінде: бірінші сұрыпты бидай ұны 420,8 тонна, қарақұмық жармасы 75,5 тонна, күріш 180,4 тонна, макарон 56,5 тонна, картоп 72,2 тонна, басты пияз 200 тонна, күнбағыс майы 97,9 тонна, сәбіз 100 тонна, қант өнімі 172,9 тонна.
"Айналым схемасы" бойынша 18 кәсіпкерлік субъектісіне 973 млн.теңге бөлінді. Осы қарызды алған 18 кәсіпкердің 19 әлеуметтік маңызы бар азық-түлік өнімдері мен тұрақтандыру қорының өнімдері нарық бағасынан төмен бағада келісім негізінде ашылған әлеуметтік бұрыштарда Қызылорда қаласында орналасқан "Байқоңыр"ӘКК жанындағы 36 әлеуметтік дүкендерде және 14 ірі супермаркеттерге жеткізіліп, сатылады.
Барлық әлеуметтік дүкендерде нан 55 теңгеден, қант 263 теңгеден, өсімдік майы 630 теңгеден, картоп 130 теңгеден, сәбіз 130 теңгеден, пияз 65 теңгеден, қырыққабат 90 теңгеден, 1 сұрыпты ұн 135 теңгеден, қарақұмық жармасы 415 теңгеден, күріш 210 теңгеден, макарон 200 теңгеден, сиыр еті 1650 теңгеден, тауық еті (тауық еті) 785 теңгеден, жұмыртқа 32 теңгеден, сүт 280 теңгеден, айран 225 теңгеден, сүзбе 40 теңгеден сатылады.
Бұдан басқа, 2022 жылы тұрақтандыру қоры және айналым схемасы бойынша өнім қорларын қалыптастыруға 5,0 мың тонна көлемінде облыстық бюджеттен қосымша 1,3 млрд.теңге бөлінді, оның ішінде тұрақтандыру қоры өнімінің қорларын ұлғайтуға 800,0 млн. теңге бөлінді, 500,0 млн. теңге әлеуметтік маңызы бар азық-түлік тауарларына бағаларды тұрақтандыру мақсатында кәсіпкерлік субъектілеріне қарыз беруге бағытталатын болады.
Нанның 90 теңгеден аспайтын бағамен сатылуын қамтамасыз ету мақсатында наубайханалардың иелерімен келіссөздер жүргізілді және нанның 90 теңгеден аспайтын бағамен бөлшек саудада сатылуы және наубайханадан 80-85 теңгеден сатылуы келісілді.
Ағымдағы жылдың қаңтар-тамыз айларында республика бойынша нан бағасын тұрақтандыру мақсатында ҚР Ауыл шаруашылығы министрлігі мен "Азық-түлік келісім шарт корпорациясы" ҰК" АҚ астық өндірусіз арзандатылған бидайды оңтүстік өңірлерге бөлу бойынша шаралар қабылдауда.
Бұдан басқа, "Әлеуметтік маңызы бар азық-түлік тауарларына бөлшек сауда бағаларының шекті мәндерін және оларға шекті рұқсат етілген бөлшек сауда бағаларының мөлшерін белгілеу қағидаларын бекіту туралы" Қазақстан Республикасы Ұлттық экономика министрінің міндетін атқарушының 2015 жылғы 30 наурыздағы № 282 бұйрығына сәйкес әлеуметтік маңызы бар азық-түлік тауарларына бөлшек сауда бағаларының шекті мәндерін 2022 жылдың тоқсандарына бекіту бойынша облыс әкімдігінің қаулысы әзірленуде.
Жалпы статистикалық жедел ақпарат бойынша Қызылорда облысында ағымдағы жылдың басынан бастап 18 қаңтардағы жағдай бойынша негізгі әлеуметтік маңызы бар азық-түлік тауарларының индексі 100,3% - ды құрайды.
Жыл басынан бері негізгі әлеуметтік маңызы бар азық-түлік тауарларының 2 өніміне (қырыққабат-7,7%, картоп-2,7%) және 1 өнімге баға төмендеді (жұмыртқа-0,3%), қалған 16 өнімге баға тұрақты.
Жалпы облыста сауда нүктелерінде азық-түлік тауарларының жеткілікті қоры бар, азық-түлік тауарларының тапшылығы байқалмайды.