Қазақстан Республикасының Сауда және интеграция министрлігі Қазақстан Республикасы Сауда және интеграция министрінің «Мемлекеттік реттеуге жататын өлшемдер тізбесін бекіту туралы» 2021 жылғы 20 қазандағы № 566-НҚ бұйрығының және «Мемлекеттік реттеуге жататын өлшемдер тізбесін бекіту туралы» Қазақстан Республикасы Сауда және интеграция министрінің 2021 жылғы 20 қазандағы № 566-НҚ бұйрығына өзгеріс енгізу туралы» Қазақстан Республикасы Сауда және интеграция министрінің 2023 жылғы 21 қыркүйектегі № 347-НҚ бұйрығының күші жойылды деп тану туралы» бұйрығының жобасын қоғамдық талқылауға шығарады.

Бұйрықты қабылдаудың мақсаты қолданыстағы Тізбенің орнына электромобиль инфрақұрылымы саласындағы өлшем түрлері мен тиісті метрологиялық талаптарды қамтитын мемлекеттік реттеуге жататын өлшемдердің жаңа Тізбесінің бекітілуіне байланысты өлшем бірлігін қамтамасыз ету саласындағы нормативтік құқықтық базаны өзектілендіру болып табылады.

Нормативтік құқықтық актінің жобасы жария талқылау үшін «Ашық НҚА» интернет-порталында орналастырылды, онда барлық мүдделі тұлғалар құжатпен танысып, өз ұсыныстары мен ескертулерін енгізе алады (сілтеме: https://legalacts.egov.kz/npa/view?id=15902177).