Министрлік қызметкерлеріне заң, әдеп және еңбек тәртібі талаптары түсіндірілді
2026 жылғы 16-17 маусым күндері Қазақстан Республикасы Сауда және интеграция министрлігінің Әдеп жөніндегі уәкілі мен Персоналды басқару департаментінің бірлесуімен Министрлік қызметкерлерімен оқыту семинарлары өткізілді.
Бірінші мәселе аясында қызметкерлерге «Заң және тәртіп» қағидаттарын ілгерілету жөніндегі әдістемелік ұсынымдардың негізгі ережелері жеткізілді. Сыбайлас жемқорлыққа мүлдем төзбеушілік қағидатын қалыптастыруға, қызметтік міндеттерді орындау кезінде кәсіби әдепті сақтауға, сондай-ақ «тұрмыстық тәртіпті» ұстану қажеттілігіне ерекше назар аударылды. Мемлекеттік қызметші тек жұмыс орнында ғана емес, күнделікті өмірде де заңға және жалпыға бірдей қабылданған мінез-құлық нормаларына құрмет көрсете отырып, адалдықтың үлгісі болуы тиіс екені атап өтілді.
Екінші мәселе бойынша мемлекеттік қызметшілердің қызметтік әдебі мен мінез-құлық мәдениетіне қойылатын талаптар қаралды. Қызметкерлерге әріптестер арасындағы, басшылар мен бағыныстылар арасындағы қарым-қатынасқа, сондай-ақ азаматтармен өзара іс-қимыл жасау қағидаларына қатысты Әдеп кодексінің нормалары түсіндірілді. Өзара құрметті сақтау, дөрекілікке, кемсітушілікке, бейәдеп сөздерді қолдануға және ұжымдағы моральдық-психологиялық ахуалға теріс әсер ететін өзге де мінез-құлық түрлеріне жол бермеу мәселелеріне ерекше көңіл бөлінді.
Үшінші мәселе аясында қызметкерлерге еңбек тәртібін сақтау, іскерлік киім үлгісін ұстану және мемлекеттік мекемелер ғимараттарында темекі шегуге тыйым салу талаптары қосымша еске салынды. Сондай-ақ қызметкерлерді демалыс күндері және белгіленген жұмыс уақытынан тыс кезде қызметтік міндеттерін орындауға тартуға еңбек заңнамасының талаптарына сәйкес және жұмыс берушінің тиісті актісі негізінде ғана жол берілетіні түсіндірілді.
Семинарлар қорытындысы бойынша әрбір қызметкердің заңнама талаптарын, қызметтік әдеп нормаларын сақтау, тәртіпті нығайту және ұжымдағы қолайлы жұмыс атмосферасын қолдау жөніндегі жеке жауапкершілігінің маңыздылығы атап өтілді.