Еуразиялық экономикалық интеграцияны дамытудың 2025 жылға дейінгі Стратегиялық бағыттары

26–27 маусым күндері Беларусияның Минск қаласында өткен Еуразиялық экономикалық одақтың (ЕАЭО) Жоғары экономикалық кеңесінің отырысында Одаққа мүше мемлекеттер басшыларына 2025 жылға дейінгі Еуразиялық экономикалық интеграцияны дамытудың Стратегиялық бағыттарының орындалу барысы туралы баяндама ұсынылды.

Еуразиялық экономикалық комиссия (ЕЭК) ЕАЭО-ға мүше мемлекеттермен бірлесіп дайындаған бұл құжатта Стратегия-2025 және оған сәйкес іс-шаралар жоспарын іске асырудың төртінші жылының нәтижелері қамтылған.

Стратегия-2025 аясында көзделген іс-шаралардың орындалуы ЕАЭО жұмысына елеулі ықпал етіп, ЕАЭО туралы шарт аясындағы басым бағыттар бойынша экономикалық интеграциялық үдерістерді дамытуға серпін беруде.

Өткен жылдың қорытындысы бойынша ЕАЭО туралы шарт аясында өнеркәсіп саласында бірлескен жобаларды қаржыландыру тетігі құрылды,

• «Индустрияландыру картасы» әзірленіп, жаңартылып отыр (жалпы құны $242,8 млрд-тан асатын 271 жоба).
• Сондай-ақ агроөнеркәсіптік кешенді дамытудың бірлескен болжамдары, ауыл шаруашылығы өнімдерінің негізгі түрлері бойынша сұраныс пен ұсыныс баланстары жыл сайын қалыптастырылады, ауыл шаруашылығы дақылдарының тұқым шаруашылығы мен сорт сынағы салаларындағы заңнаманы үйлестіруге бағытталған шаралар анықталды.
• Еңбек көші-қонына келсек, «Шекарасыз жұмыс» жүйесі жұмыс істейді, ғылыми дәрежелер туралы құжаттарды өзара тану туралы келісімге қол қойылды.
• Мемлекеттік сатып алуларда банктік кепілдіктерді өзара тану туралы келісімге қол қойылды, цифрландыру шаралары қабылданды.
• Кеден саласында ЕАЭО мен үшінші тарап арасындағы бірыңғай кедендік транзит жүйесі туралы келісімге қол қойылды.
• Туризм бойынша 400-ден астам туристік нысанды қамтитын бағыттар картасы әзірленді.
• Одан әрі либерализациялауға арналған 117 бағыт айқындалды.
• Сыртқы саудада Иран, БАӘ, Моңғолиямен еркін сауда аймағы туралы келісімдерге қол қойылып, олар жүзеге асырылуда, Үндістан, Египет және Индонезиямен келіссөздер жүргізілуде.

ЕАЭО-дан экспортты жеңілдету мақсатында тауарлардың шығу тегін анықтаудың үйлестірілген жүйесі туралы келісімге қол қойылды.

Одақ мемлекеттерінің басшыларына бесжылдық жұмыстың қорытынды талдамалық есебін 2026 жылдың бірінші жарты жылдығында ұсыну жоспарлануда.