Арман Шаққалиев 8 наурыз мерекесімен құттықтады

СИМ-де Халықаралық әйелдер күніне орай салтанатты іс-шара өтті. ҚР Сауда және интеграция министрі Арман Шаққалиев әріптес әйелдердің ведомствоның негізгі мақсаттарына қол жеткізуге қосқан баға жетпес үлесін атап өтті.

Министр қызметкерлерге жоғары кәсібилігі мен жемісті жұмысы үшін алғыс айтты. Сауда - экономиканың ең қарқынды дамып келе жатқан салаларының бірі және бұл өз кезегінде әйелдердің қоғамдағы әлеуетін арттыруға ықпал ететіні айтылды.

«Біз барлығымыз жоғары мемлекеттік және қоғамдық лауазымдардағы нәзік жандардың өз міндеттерін ойдағыдай атқарып отырғанына куә болып отырмыз», - деп атап өтті Арман Шаққалиев. Бүгінде Министрлікте 176 әйел жұмыс істейді, олардың 47-сі басшылық лауазымдарда. Министрлік құрылған сәттен бастап 80-нен астам әйел меритократия қағидаты бойынша лауазымдарына көтеріліп, мемлекеттік наградалармен марапатталды.

Мерекелік шара барысында ведомстволық бағынысты ұйымдардың қызметкерлері мен ҮЕҰ өкілдері Министрліктің Құрмет грамоталарымен және министрдің атынан алғыс хаттармен марапатталды.

ҚР Сауда және интеграция министрінің алғыс хаттарымен «Қазақстанның буып-түюшілер қауымдастығы» ЗТБ Басқарма Төрағасының орынбасары Наталья Кузнецова, «Қазақстанның фармацевтикалық және медициналық өнім өндірушілер қауымдастығы» ЗТБ атқарушы директоры Гүлдария Манақпаева, «Ғасыр сапасы» қоғамдық бірлестігі төрағасының орынбасары Жанна марапатталды Төлегенова және «Қазақстандық тіркелім» өзін-өзі реттеу ұйымының президенті Светлана Заитова

8 наурыз қарсаңында өңірлерде Министрліктің аумақтық департаменттері сала ардагерлерін, көп балалы аналарды мерекемен құттықтап, түрлі қайырымдылық акцияларын ұйымдастырды.

ҚР СИМ Техникалық реттеу және метрология Комитетінің Қарағанды облысы бойынша департаментінің қызметкерлері сала ардагері Бағлан Бексұлтанованы құттықтады.Ол еңбек жолын бас маман қызметінен бастап, мансаптық өсудің барлық сатысынан өтті. 2012 жылдан еңбек сіңірген демалысына шыққанға дейін Қарағанды облысы бойынша Техникалық реттеу және метрология комитеті департаменті басшысының орынбасары болды.