Мұнай өнеркәсібі саласындағы түсіндіру жұмыстары

Ағымдағы жылдың 25 қарашасында Техникалық реттеу және метрология комитетінің Қызылорда облысы бойынша департаментінің (Департамент) қызметкері Бектаева Жадра "Қуатамлонмұнай" БК ЖШС барып профилактикалық бақылау жүргізді.

Профилактикалық бақылау барысында "өлшем бірлігін қамтамасыз ету туралы" ҚР Заңының талаптарына, сондай-ақ ҚР Кәсіпкерлік Кодексінің жаңа талаптарына қатысты түсіндіру іс-шаралары жүргізілді.

"Қуатамлонмұнай" БК ЖШС - екі мұнай кен орнын әзірлейтін Қазақстандағы мұнай өндіру өнеркәсібінің ірі кәсіпорындарының бірі. Сондай-ақ, кәсіпорын кен орындарын барлаумен, мұнай өнімдерін сатумен және мұнайды мұнай өңдеу зауыттарына өткізумен айналысады. "Қуатамлонмұнай" БК 1994 жылы Қызылорда облысындағы қоныс Бектас мұнай кен орындарын өнеркәсіптік игеру үшін қазақстандық "Қуат" холдинг компаниясы Ұлыбританияның "Амлон Трейдинг ЛТД" компаниясымен бірлесіп құрылды. "Қуатамлонмұнай" БК ЖШС өз қызметінде мемлекеттік реттеуге жататын 4000-нан астам өлшеу құралдарын пайдаланады.

       Іс-шара аясында мемлекеттік метрологиялық бақылауды жүзеге асыратын лауазымды тұлғалардың құқықтары мен міндеттері, сондай-ақ "өлшем бірлігін қамтамасыз ету туралы"ҚР заңнамасын бұзғаны үшін жауапкершілік түсіндірілді.

      Сонымен қатар, кәсіпорында "Өлшем бірлігін қамтамасыз ету туралы" ҚР Заңының талаптары сақталмағаны және анықталған бұзушылықтарды жою бойынша ұйғарымдар берілгені анықталды.