Аккредиттелген зертханада "Техникалық реттеу туралы" ҚР Заңын түсіндіру жұмыстары жүргізілді

Ағымдағы  жылдың 17 ақпанында ТРМК Шығыс Қазақстан облысы бойынша департаментінің Семей бөлімі «Қазстандарт» РМК өкілдерімен бірлесіп, ластаушы заттардың болуы, аэродинамикалық көрсеткіштер, микроклимат параметрлері: қысым, температура, салыстырмалы ылғалдылық, ауа қозғалысының жылдамдығы сияқты көрсеткіштер бойынша өнеркәсіптік шығарындыларды, елді мекендердің атмосфералық ауасын, өнеркәсіптік алаңдарды, санитарлық-қорғау аймақтарын және өндірістік үй-жайлардың ауасын техникалық сынау және талдау саласында қызметті жүзеге асыратын «Эко-Сад» ЖШС аккредиттелген зертханасына барды.

Департамент бөлімінің басшысы Шумаев Ракш 2020 жылғы 30 желтоқсанда қабылданған Қазақстан Республикасының «Техникалық реттеу туралы» Заңы туралы егжей-тегжейлі айтып берді. Оған сәйкес зертханалар сынақтар нәтижелерінің дұрыстығын қамтамасыз етеді, егер бұл техникалық регламентте көзделген болса, сынақтарды, зерттеулер (сынақтар) және өнімді өлшеу нәтижелерін фото - және (немесе) бейнетіркеуді жүргізеді.

Тиісті зертханалық практика қағидаттарының сақталуын растау мақсатында зертханаларды мерзімді инспекциялау және (немесе) оларды зерттеу нәтижелерінің аудиті – «тиісті зертханалық практикаға сәйкестік мониторингі»  ұғымы енгізіледі.

Кездесуде нормативтік құжаттардың болуы және қолданылуы, өндірісті метрологиялық қамтамасыз ету мәселелері қаралды. Мемлекеттік органдар тарапынан қойылған сұрақтарға толық жауаптар берілді.