Сараптамалық кеңес отырысының қорытындысы

Ағымдағы жылдың 13 ақпанында Техникалық реттеу және метрология комитеті жанындағы Сараптамалық кеңестің отырысы өтті, онда мемлекеттік бақылаудың өзекті мәселелері қаралды.

Отырыс шеңберінде өнімнің өмірлік циклінің кезеңдерінде техникалық регламенттер талаптарының сақталуына мемлекеттік бақылау мен қадағалауды жүзеге асырудың функционалдық талдау нәтижелері, сондай-ақ қауіпті және бұрмаланған өнімнің айналымын болдырмау мақсатында оны жетілдіру жөніндегі болжамды шаралар таныстырылды.

Сондай-ақ мемлекеттік бақылау бөлігінде техникалық реттеу мәселелері бойынша Қазақстан Республикасының заңнамалық актілеріне ұсынылып отырған түзетулер талқыланды. Ұсынылған өзгерістер бақылауды күшейтуге және жедел ден қою шараларын кеңейтуге бағытталған. Олар бақылаудың қосымша тетіктерін енгізуді және қадағалау қызметінің тиімділігін арттыруды көздейді.

Сараптамалық кеңес мемлекеттік бақылау жүйесінің ашықтығы мен нәтижелілігін арттыру үшін нормативтік базаны одан әрі жетілдірудің және барлық мүдделі тараптардың өзара іс-қимылын күшейтудің маңыздылығын атап өтті.

Ұсынылған шараларды іске асыру салдарларды барынша азайтуға және бұзушылықтарға жедел ден қоюға мүмкіндік береді.