Мыс өндіру жобалары ВНИИТцветметтің ғылыми әзірлемелерінің арқасында жүзеге асырылуда

Бүгінгі таңда гидрометаллургия технологиялары мыс өнеркәсібінің дамуында маңызды рөл атқарады. «ҚР МШКҚӨ ҰО» РМК Өскемен қаласындағы ВНИИцветмет филиалы тотыққан және аралас мыс кендерін өңдеу бойынша ғылыми зерттеулермен айналысады.

Институт SX-EW (экстракция–электролиз) схемасы бойынша ерітінділерді кейіннен қайта өңдеумен үймеде шаймалау саласында зерттеулерді 1997 жылдан бастап жүргізіп келеді. Осылайша, Қазақстанның 15-тен астам кен орындары үшін технологиялық регламенттер әзірленген.

ВНИИцветметтің қатысуымен жүзеге асырылған ірі жобалардың қатарында:

·     Қоңырад – өнімділігі жылына 15 мың тонна катодты мыс өндіретін, кейіннен өнеркәсіптік деңгейге дейін масштабталған Қазақстандағы алғашқы тәжірибелі экстракция зауыты (2008).

·     Ақтоғай – 2015 жылы іске қосылған, өндірістік қуаты жылына 25 мың тоннаға дейін катодты мыс өндіретін тотыққан кендерді өңдейтін ірі кәсіпорын.

·     Алмалы, Борлы, Берқара – институттың ғылыми әзірлемелері негізінде салынған жаңа нысандар. Олар 2018-2024 жылдары пайдалануға берілді, жылына өнімділігі 9 мың тонна және 5 мың тонна катодты мыс құрайды.

Сондай-ақ институтта перколяциялық колонналардың түпнұсқалық конструкцияларын әзірленді, өнеркәсіптік нәтижелермен расталған ауқымды зертханалық және тәжірибелік-өнеркәсіптік сынақтар жүргізілді.

Қазақстанның табиғи-климаттық жағдайларын және мыс кендері құрылымының ерекшеліктерін ескере отырып, институт ғалымдарының тұрақты технологиялық шешімдерді бейімдеу мен дамытуға қосқан үлесін ерекше атап өткен жөн.