Өнеркәсіп және құрылыс министрлігінде Ұлы Жеңістің 80 жылдығына орай тақырыптық семинар өтті

Ұлы Жеңістің 80 жылдық мерейтойы қарсаңында ҚР Өнеркәсіп және құрылыс министрлігі Көлік министрлігімен бірлесіп, «Бауыржан Момышұлының ерлік тәрбиесі туралы» тақырыбында танымдық семинар өткізді. Лекцияны тарих ғылымдарының докторы, Л.Н. Гумилев атындағы Еуразия ұлттық университетінің профессоры Махсат Алпысбес жүргізді.

Профессор Махсат Алпысбес өз сөзінде Екінші дүниежүзілік соғыстың тарихи сабақтарына ерекше тоқталып, бұл оқиғалар ұмытылмауы ғана емес, сонымен қатар адамгершілік тәрбиенің және мемлекеттік қызметшілер арасындағы азаматтық жауапкершілікті нығайтудың негізі болуға тиіс екенін атап өтті.

Семинар барысында профессор Бауыржан Момышұлының тұлғасы батыр, қолбасшы, ойшыл және жазушы ретінде ержүректік, принципшілдік, Отанға адалдық және жоғары тәртіптіліктің үлгісі екенін баса айтты. Оның пікірінше, Момышұлы өмір жолында көрініс тапқан этикалық және моральдық ұстанымдар әрбір мемлекеттік қызметшіге өнеге болуы тиіс.

Семинар мазмұнды сұрақтармен аяқталды. Онда министрліктер қызметкерлері тек тарихи мағлұмат қана емес, сонымен қатар батыр тұлғалар арқылы берілетін терең адамгершілік құндылықтарды түсінуге мүмкіндік алғандары үшін ризашылықтарын білдірді.

Министрлік алдағы уақытта да патриоттық сана қалыптастыру және мемлекеттік қызметшілер арасында моральдық-этикалық бағдарларды нығайту бағытында жұмыстарды жалғастыратын болады.