Аукционның қол қою бонусының төленген сомасы 10 млрд теңгеден асты

Ағымдағы жылдың 29 қаңтарында қатты пайдалы қазбалар қоры бар жер қойнауының 21 учаске бойынша «minerals.e-qazyna.kz» ЖҚПБП арқылы электрондық аукцион өтті.

Өтінімдердің болмауына байланысты 3 учаске бойынша Аукцион өткізілмеді, осыған байланысты осы учаскелер бойынша аукцион қайта жарияланатын болады.

Аукционға барлығы 50-ден астам компания қатысты. Қол қою бонусының жалпы сомасы 20 млрд теңгеден асты.

Қол қою бонусының расталған мөлшері қорытындылар хаттамасына қол қойылған сәттен бастап 20 (жиырма) жұмыс күні ішінде төленуге тиіс, жеңімпаз қол қою бонусының түпкілікті мөлшерін төлемеген жағдайда, қатысушы растаған қол қою бонусын төлеу жөніндегі басымдық пен міндеттемелер қол қою бонусының мынадай ең үлкен мөлшерін ұсынған аукционға қатысушыға ауысады.

Осыған байланысты қол қою бонусының төленген сомасы 10 млрд теңгеден асты.

Қол қою бонусының түпкілікті мөлшерін төлемеген жеңімпаздарға лицензия беруден бас тарту туралы хабарлама жіберілді және басымдық қол қою бонусының расталған мөлшерін төлеу мақсатында келесі жеңімпаздарға жіберілді.