Министрдің «KARLSKRONA LC AB» ЖШС-ға сапары Қазақстандағы машина жасауды дамыту мен инновацияның маңыздылығын атап өтті

Өнеркәсіп және құрылыс министрі Шымкент қаласына сапары барысында экономиканың аса маңызды салалары үшін мамандандырылған жабдықтарды әзірлеу, өндіру және жеткізу саласындағы көшбасшы «KARLSKRONA LC AB» ЖШС инжинирингтік компаниясына барды.

2003 жылы құрылған «KARLSKRONA LC AB» ЖШС сумен жабдықтау, мұнай-газ, тау-кен өнеркәсібі және атом энергетикасы үшін кешенді техникалық шешімдерді жасауға маманданған машина жасау саласындағы жетекші кәсіпорын болып табылады. Компания сорғы, электр және құю жабдықтарын әзірлеуге және өндіруге инновациялық көзқарасымен танымал болды

Кәсіпорын басшылығы мен қызметкерлерімен кездесуде министр «KARLSKRONA LC AB» ЖШС-нің Қазақстанның индустриялық базасын дамытудағы және ел экономикасына елеулі үлес қосудағы маңыздылығын атап өтті.

 Бүгінгі таңда компанияда 137 жоғары білікті маман жұмыс істейді, ал өндірістік желілерде заманауи сандық бағдарлама арқылы басқарылатын станоктары мен сынақ стендтері орнатылған, бұл жыл сайын 10 000 бірлікке дейін сорғы қондырғылары мен 5 000 тонна құю өнімдерін шығаруға мүмкіндік береді. Мұндай көрсеткіштерге ие «KARLSKRONA LC AB» ЖШС Қазақстан нарығындағы маңызды ойыншы ғана емес, сонымен қатар Орталық Азия елдеріне және одан тысқары елдерге елеулі экспорттаушы болып табылады.

Министр Қазақстанның инновациялық экономикасының одан әрі дамуына септігін тигізетін «KARLSKRONA LC AB» ЖШС сияқты кәсіпорындарға мемлекеттік деңгейде қолдау көрсету жалғасатынына сенім білдірді.

 

 

ҚР Өнеркәсіп және құрылыс министрлігінің баспасөз қызметі