Өнеркәсіп комитеті көмір өндіруші кәсіпорындардың 2023 жылғы жұмыс қорытындылары мен 2024 жылға арналған даму жоспарлары туралы тыңдау өткізді

 

Көмір өнеркәсібі Қазақстан Республикасының маңызды ресурстық салаларының бірі болып табылады.

Көмір қоры бойынша Қазақстан көшбасшы елдердің ондығына кіреді. Мемлекеттік баланс бойынша 49 кен орны бойынша қорлар ескерілді және шамамен 33,6 млрд.тоннаны құрайды.

Көмір саласы Қазақстанда электр энергиясының шамамен 70% - өндіруді, кокс-химия өндірісінің жүз пайыз жүктемесін қамтамасыз етеді, коммуналдық-тұрмыстық сектор мен халықтың отынға деген қажеттілігін толық қанағаттандырады.

Бүгінгі таңда көмір өндірумен 30-ға жуық компания айналысады. Сала 32 мыңға жуық адамды жұмыс орындарымен қамтамасыз етеді.

Ірі көмір кен орындары негізінен Орталық Қазақстанда (Қарағанды көмір бассейні, Шұбаркөл кен орны, Торғай қоңыр көмір бассейні) және солтүстік-шығыс өңірде (Екібастұз, Майкубен көмір бассейндері, Қаражыра кен орны) орналасқан.

ҚР Ұлттық статистика бюросының деректері бойынша 2023 жылы көмір өндіруші компаниялар 112,7 млн.тонна қатты отын өндірді, бұл 2022 жылмен салыстырғанда 1,1% - ға төмен.

Коммуналдық-тұрмыстық қажеттіліктерге және халыққа 9 млн.тонна, энергетикалық кешендерге 65,9 млн. тонна, өнеркәсіптік кәсіпорындарға 5,9 млн. тонна, экспортқа 31,9 млн. тонна көмір жөнелтілді.

Қазақстан Республикасы Өнеркәсіп және құрылыс министрлігінің Өнеркәсіп комитеті ағымдағы жылдың қаңтар айында көмір өндіруші кәсіпорындардың 2023 жылғы жұмыс қорытындылары және кәсіпорынның 2024 жылға арналған даму жоспарлары туралы тыңдау өткізді.

Кездесулер барысында көмір өндіруші кәсіпорындардің 2023 жылы айлық пен жылдық көмір өндіру жоспарларын орындауы және тұтынушыларға көмір жөнелтуі бойынша, 2024 жылға арналған тау-кен жұмыстарын дамыту жоспарлары және өндіру технологиялары аршу коэффициентін ескере отырып, инвестициялар, өндірісті жаңғырту және тұтастай алғанда кәсіпорынның даму перспективалары тыңдалды.

Көмір өндіруші кәсіпорындар өтеусіз негізде немесе жеңілдікті құны бойынша халықтың осал топтары мен әлеуметтік объектілерді қатты отынмен қамтамасыз етеді, жақын маңдағы елді мекендер үшін көмірді төмен құны бойынша сатады, қаржылық материалдық көмек көрсетіледі, өңірді қолдау және дамыту үшін демеушілік қаражат бөлінеді.