Ұлттық энергия үнемдеу орталығы Қытаймен халықаралық ынтымақтастықты кеңейтуде

«Ұлттық энергия үнемдеу орталығы» АҚ Басқарма төрағасы Елдос Абаканов энергетикалық трансформация, энергия тиімділігі, жасыл энергетика және өнеркәсіптік ынтымақтастық мәселелеріне арналған Қытайдағы ірі халықаралық салалық іс-шараларға қатысуда.

Сапар аясында Ұлттық энергия үнемдеу орталығы Тачэн қаласында өткен жалпы электрлендіру саласының өнеркәсіптік экожүйесі конференциясына, сондай-ақ Үрімші қаласында ұйымдастырылған IX «Қытай – Еуразия» ЭКСПО-сына қатысты. Бұл көрме инвестициялық, технологиялық және өнеркәсіптік ынтымақтастықты дамытуға арналған ең ірі халықаралық алаңдардың бірі болып табылады.

Іс-шаралар аясында Қытайдың жетекші энергетикалық компанияларымен бірқатар B2B кездесулер өтті. Тараптар жаңартылатын энергетиканы дамыту, энергия тиімді технологияларды енгізу, энергетикалық инфрақұрылымды цифрландыру, энергия тұтынуды зияткерлік басқару жүйелерін дамыту, сондай-ақ Қазақстанда бірлескен жобаларды іске асыру бағытындағы ынтымақтастық перспективаларын талқылады.

Осындай халықаралық алаңдарға қатысу серіктестік байланыстарды нығайтуға, озық технологиялар мен үздік тәжірибелер алмасуға ықпал етеді, сондай-ақ энергия үнемдеу мен энергия тиімділігін арттыру саласында бірлескен бастамаларды іске асыруға жаңа мүмкіндіктер ашады.