Ерсайын Нағаспаев "AMANAT" партиясының қоғамдық қабылдау бөлмесінде азаматтарды онлайн қабылдады

Қазақстан Республикасы Өнеркәсіп және құрылыс министрі Ерсайын Нағаспаев "AMANAT" партиясының Республикалық қоғамдық қабылдауы арқылы тіркелген азаматтармен онлайн форматта кездесті.

Қабылдау барысында жер қойнауын пайдалану, инфрақұрылымдық жобаларды іске асыру, тұрғын үй қатынастары және тұрғын үй-коммуналдық шаруашылық мәселелері бойынша өтініштер қаралды.

Барлық өтініштер бойынша қолданыстағы заңнама шеңберінде тиісті түсініктемелер, сондай-ақ министрліктің тиісті бөлімшелеріне тапсырмалар берілді.