Коммуналдық қызмет саласы қызметкерлері арасындағы футбол турнирі өңірлер мен орталық мемлекеттік органдардан келген 200-ге жуық қатысушыны біріктірді

Кәсіби мереке Коммуналдық шаруашылық қызметкерлері күні аясында тұрғын үй-коммуналдық шаруашылық саласы қызметкерлері арасында футбол турнирі өтті.

Іс-шара салауатты өмір салтын насихаттауға, командалық рухты нығайтуға, сондай-ақ өңірлер мен орталық мемлекеттік органдар арасындағы салаішілік өзара іс-қимылды дамытуға бағытталды. Турнир сонымен қатар бейресми қарым-қатынас орнатуға, тәжірибе алмасуға және кәсіби байланыстарды нығайтуға арналған алаңға айналды.

Жарысқа 16 команда қатысты, жалпы қатысушылар саны шамамен 200 адамды құрады. Турнирге Қазақстан Республикасы Өнеркәсіп және құрылыс вице-министрі Қуандық Кажкенов, Комитет төрағасы, облыс әкімдерінің орынбасарлары, энергетика және тұрғын үй-коммуналдық шаруашылық басқармаларының басшылары, сондай-ақ әкімдіктердің өкілдері қатысты.

Турнир қорытындысы бойынша жеңімпаздар мен жүлдегерлер анықталды:

Командалық нәтижелер:

1 орын (турнир чемпионы) — Түркістан облысының командасы
2 орын — Астана қаласының командасы
3 орын — Жетісу және Қызылорда облыстарының командалары
«Fair Play» номинациясы — Абай облысының командасы

Жеке номинациялар:

«Үздік ойыншы» — Әуелбек Тұрар (Түркістан облысы)
«35+ үздік ойыншы» — Темірғалиев Нұрсұлтан (Астана қ.)
«Үздік қақпашы» — Сәрсенов Айдос (Қызылорда облысы)
«Үздік қорғаушы» — Серғалиев Әділ (Астана қ.)
«Үздік шабуылшы» — Тәңірберген Нұрлан (Жетісу облысы)
«Үздік сұрмерген» — Сыдықбаев Медеубек (Түркістан облысы)
«Үздік басшы» — Иманзаипов Ержан Бейбітұлы, Павлодар облысы энергетика және ТКШ басқармасының басшысы

Өткізілген турнир салалық қызметкерлер арасындағы командалық рухты нығайтудың жарқын үлгісі болды. Мұндай бастамалар салауатты өмір салтын насихаттауға, өңірлер арасындағы кәсіби байланысты күшейтуге және тұрғын үй-коммуналдық шаруашылық саласында бірыңғай салалық қауымдастық қалыптастыруға ықпал етеді.

Турнир қатысушылардың жоғары деңгейдегі белсенділігін көрсетті және мұндай іс-шаралардың корпоративтік мәдениетті нығайту мен кәсіби қауымдастықты дамытудағы маңыздылығын тағы бір мәрте дәлелдеді.