Ерсайын Нағаспаев ЭЫДҰ өкілімен кездесті

Қазақстан Республикасы Өнеркәсіп және құрылыс министрі Ерсайын Нағаспаев Экономикалық ынтымақтастық және даму ұйымы (ЭЫДҰ) Жаһандық қатынастар және ынтымақтастық жөніндегі директораты Еуразия бөлімінің басшысы Уильям Томпсонмен кездесті.

Сондай-ақ кездесуге Ұлыбританияның Қазақстан Республикасындағы Төтенше және өкілетті елшісі Салли Аксуорси қатысты.

Тараптар Қазақстанның ЭЫДҰ-мен ұзақ мерзімді ынтымақтастығы перспективаларын және Орталық Азиядағы аса маңызды минералдар бойынша есептің нәтижелерін атап өтті.

«Біз бұл өзара іс-қимылды халықаралық үздік тәжірибелермен алмасу және оларды экономикаға одан әрі енгізу үшін белсенді қолданып келеміз. Қазақстан ЭЫДҰ-ның Responsible Business Conduct қағидаттарын корпоративтік басқаруға, экологиялық және әлеуметтік саясатқа, сыбайлас жемқорлыққа қарсы тетіктерге және жауапты жеткізу тізбектеріне дәйекті түрде енгізуде», – деді Ерсайын Нағаспаев. Сондай-ақ ол қазақстандық металдардың әлемдік өнеркәсіптің озық салаларына интеграцияланғанын атап өтті.

Кездесу қорытындысында тараптар өзара қатынасты, оның ішінде аса маңызды шикізаттарды ЭЫДҰ мен ЕО елдеріне жеткізу бойынша әріптестікті нығайтуға ниетті екендерін растады.