Қазақстандық тауар өндірушілер реестрі: расталған кәсіпорындар шеңбері кеңеюде

Сауда-өнеркәсіп саясатын іске асыру шеңберінде отандық өндірушілерді қолдау мақсатында «Қазақстандық тауар өндірушілер реестрі» мемлекеттік ақпараттық жүйесін кезең-кезеңімен толтыру жалғасуда.

Қазіргі уақытта 1 924 кәсіпорын автоматты түрде жаңа цифрлық жүйеге көшірілді, олар бұрын қазақстандық тауар өндіруші мәртебесін растады. Бұл ретте Реестрде 3 831-ден астам компания авторизацияланды.

Жалпы 3 779 өтінім берілді. Олардың ішінде өндірістік қызметті бағалаудан өткен 90 кәсіпорын тіркелген.

Реестр мемлекеттік қолдаудың атаулылығын, рәсімдердің ашықтығын қамтамасыз ету және мәртебені ресми беруді болдырмау үшін қазақстандық тауар өндірушілерді растаудың бірыңғай цифрлық жүйесін қалыптастырады.

Реестрге машина жасау саласы, құрылыс индустриясы және жеңіл өнеркәсіп кәсіпорындары енгізілген, оның ішінде:

«Өскемен арматура зауыты» АҚ (құбыр арматурасы, оның ішінде шарлы крандар және мұнай-газ саласына арналған басқа да жабдықтар);

«Asia Trafo» ЖШС (трансформаторлар);

«Қазэнергокабель» ЖШС (кабель өнімдері);

«АгромашХолдинг» АҚ (ауыл шаруашылығы техникасы);

«Каспий Цемент» ЖШС, «Central Asia Cement» ЖШС (цемент);

«Зерде-Керамика» ЖШС (қаптау плиткасы);

«Қарағанды аяқ киім фабрикасы» ЖШС (аяқ киім).

Сонымен қатар, бұрын Реестрге автоматты түрде көшірілген өндірушілер 2026 жылғы 30 қаңтарға дейін жүйедегі мәліметтерді сайтқа (https://e-ondiris.gov.kz/) толтырып, өтінімді электрондық цифрлық қолтаңбаны пайдалана отырып растауы қажет.

Егер кәсіпорын тіркеу кезеңінен өтпесе, онда Қазақстандық тауар өндірушілер реестрінен шығарылады.

Қазақстандық тауар өндірушілер реестрін толтыру жұмыстары жалғасуда.