Шымкенттегі "Qagaz Ordasy" қағаз өндірушісі өнімнің өсуі мен кеңеюіне ұмтылуда

«Qagaz Ordasy» ЖШС, А3, А2 және А4 форматындағы қағаздың жетекші өндірушісі. Компания Шымкент қаласындағы «Оңтүстік» арнайы экономикалық аймағының аумағында орналасқан және отандық өндірісті дамытуға елеулі үлес қосуға ұмтылады.

Отандық өндірушілер тізіліміне қосылу «Qagaz Ordasy» ЖШС үшін жаңа мүмкіндіктер ашты. Бұл компанияға мемлекеттік қолдауға қол жеткізуге ғана емес, сонымен қатар нарықтағы бәсекеге қабілеттілігін арттыруға мүмкіндік береді.

«Отандық тауар өндірушілердің тізіліміне кіру біз үшін маңызды қадам болды. Бұл процесс тез және тиімді өтті, бұл бізге бизнесті дамытуға назар аударуға мүмкіндік берді. Бұл біздің өнімдеріміздің нарыққа өсуі мен кеңеюі үшін жаңа мүмкіндіктерге әкелетініне сенімдіміз», – деп бөлісті «Qagaz Ordasy» ЖШС директоры Қанат Әлімбаев.

Жүйеде барлық салалар үшін критерийлер ұсынылған, ал тексеру барысында сала сарапшылары тізілімге енгізу үшін талаптарға сәйкестігін тексереді. Жүйе қолданыстағы СТ-KZ сертификаттарын және индустриялық сертификатты алмастырып қана қоймайды, рәсімдерді цифрландыру есебінен тізілімге енгізу процесі бірнеше есе жылдам әрі тиімді.

Тізілімге кіру тек қолдау алуға ғана емес, сонымен қатар нарықтың заманауи талаптарына сәйкес келетін өнімдерді дамытуға мүмкіндік береді. Осылайша, «Qagaz Ordasy» ЖШС өз өнімдерінің сапасын жақсарту және инновациялық шешімдерді енгізу бойынша жұмысын жалғастыруда, бұл оның сенімді серіктес және тауар өндіруші мәртебесін растайды.

Анықтама: жобаға инвестициялардың жалпы сомасы 800 млн.теңге, 50 жұмыс орнын құрумен. Кәсіпорынның өндірістік қуаты: жылына 3 000 000 қорапқа дейін қағаз. Өткізу нарығы – өнімнің 100% Қазақстан Республикасының ішінде сатылады.