Қазақстан мен Германия стратегиялық су әріптестігін нығайтуда

Берлин қаласында (Германия Федеративтік Республикасы) «German Water Partnership» қауымдастығы мен «Тұрғын үй-коммуналдық шаруашылықты жаңғырту және дамыту қазақстандық орталығы» акционерлік қоғамы арасында Қазақстан Республикасында сумен жабдықтау және су бұру жүйелерінің тиімділігін арттыру саласында өзара түсіністік туралы меморандумға қол қойылды.

Құжат тараптардың тұрақты су менеджменті, энергия тиімді және цифрлық шешімдерді енгізу, сондай-ақ су инфрақұрылымын жаңғырту саласындағы тәжірибе алмасу бағыттарында ынтымақтастықты дамыту ниеттерін бекітеді.

Меморандумға қол қою рәсімі АО «Тұрғын үй-коммуналдық шаруашылықты жаңғырту және дамыту қазақстандық орталығының» Басқарма төрағасы Нұрлан Солтамбеков бастаған қазақстандық делегацияның Германия Федеративтік Республикасына жұмыс сапары аясында өтті.

Сапар барысында делегация Германияның су саласындағы жетекші кәсіпорындары — Stadtenwässerung Dresden, Fraunstein Dittersbach (System S&P) және Harzwasserwerke GmbH компанияларына барып, сондай-ақ «Қазақстан–Германия су саласындағы стратегиялық әріптестігі: жаңа деңгей» тақырыбындағы дөңгелек үстелге қатысты. Іс-шара German Water Partnership қауымдастығымен және Қазақстан Республикасының Германия Федеративтік Республикасындағы Елшілігінің қолдауымен ұйымдастырылды.