Өнеркәсіп және құрылыс министрлігі Конституция күнін мерекелеу аясында шара өткізді

Өнеркәсіп және құрылыс министрлігінде Конституцияның 30 жылдығын мерекелеу аясында салтанатты шара өтті.

Мерекелік шара барысында Министрліктің 3 қызметкері салтанатты жағдайда Қазақстан Республикасының мемлекеттік қызметшісінің антын қабылдады.

Заң департаменті директорының орынбасары Мадияр Албанбеков Конституция туралы дәріс оқыды.

Іс-шара аясында сонымен қатар монолог оқылып, Конституцияның тәуелсіз мемлекеттің қалыптасуындағы, азаматтардың құқықтарын қамтамасыз етудегі және құқықтық мемлекеттің дамуындағы рөлі туралы бейнеролик көрсетілді.