«Болашақ» шахтасында жұмыс жанданды

Шахтада жұмысты жандандыруға дайындық аясында Қазақстан, Ресей мен Түркияның ғылыми институттарымен бірлесіп, ауқымды шаралар атқарылды. Бірінші кезекте шахтаның вентиляция жүйесі жетілдірілді.  Тазартылған кеңістіктегі сутегі мөлшерін рұқсат етілген межеден әлдеқайда төмендету қамында нақты шаралар қолға алынған.

ERG баспасөз қызметінің хабарлауынша, ғылыми институттармен бірлескен жұмыс жалғасып жатыр. 2 ғылыми ұйыммен тазарту жұмыстарын сүйемелдеуге қатысты келісімшарт жасалған.

Қордалануы мүмкін газ ауа қосындысын шығару үшін 2 бағытта бұрғылау жұмыстары жүргізіліп жатыр. 2 бұрғылау компаниясы жер үстінен әрқайсысының тереңдігі 860 метрлік қос вертикалды ұңғыма болады. Одан бөлек, бұрғылау компаниялары жер астындағы жоғарыда орналасқан горизонттан бірқатар еңіс ұңғыма да қазады. Ол тау-кен жұмыстары барысында қалыптасатын жанатын газдарды вентиляция жүйелері арқылы жоғарыға тартып кетуі керек.

Сутегі мөлшерінің концентрациясын төмендету бағытындағы жұмыста «сорғыш» желдеті жүйесінің тиімділігі жоғары. Бұл әдісті комбинат жұмысшылары ұсынған. Кейін жоспарлы шараларды сүйемелдеп, іске асыратын ғылыми институттар да бастаманы мақұлдап, қолға алды.

Осы орайда, шахтадағы зерттеу жұмыстарына Қазақстан, Ресей мен Түркияның тәжірибесі толысқан бірқатар институттары тарытылғанын айта кеткен жөн. Бірлескен ғылыми-зерттеу жұмыстары жалғасып жатыр.

«Болашақ» шахтасының мамандары қорғаныс класы жоғары жеке қорғаныш құралдарымен қамтамасыз етілген. Стационарлы және мобильді газоанализаторлар қолданылады. Олардан жедел ақпарат бірден шахтаның диспетчерлік қоснына түсіп тұр.

Өнеркәсіп қауіпсіздігі талаптарының сақталауын бақылайтын құзырлы мемлекеттік қадағалау органдарынан жұмысты жандандыруға қатысты тиісті рұқсат алынған.