Астанада сутегі энергетикасы және өнеркәсіпті декарбонизациялау мәселелері бойынша кездесу өтті

Өнеркәсіп комитеті төрағасы Азамат Панбаев Германияның экономикалық ынтымақтастық және Даму Федералды министрлігінің (Bmz) Шығыс Азия және Орталық Азия бөлімінің басшысы Яннис Неофиту мырза бастаған Германия Федеративтік Республикасының делегациясымен кездесті.

Кездесу аясында тараптар екіжақты және өңірлік техникалық ынтымақтастықтың ағымдағы аспектілерін талдады.  Орнықты өнеркәсіптік және экологиялық бағдарланған даму контекстінде әріптестікті одан әрі тереңдету перспективаларын қамтитын кең ауқымды мәселелерді талқылады.

Күн тәртібінің негізгі тақырыптары:

- техникалық ынтымақтастықтың ағымдағы жобаларына шолу және өзара іс-қимылдың жаңа бағыттарын анықтау;

- құрылыс секторында көміртекті бейтараптық мақсаттарын іске асыру, оның ішінде энергия тиімді құрылыс мәселелері және осы саладағы әлеуетті дамыту;

- ҚР Өнеркәсіп және құрылыс министрлігінің Қазақстандағы сутегі энергетикасының нарықтық әлеуеті туралы GIZ зерттеуін талқылауды қоса алғанда, жасыл сутекті дамыту перспективаларына қатысты ұстанымы;

- өнеркәсіп секторын декарбонизациялау жөніндегі бастамалар;

-PDP — H2 жобасын іске асырудың аралық қорытындылары-жасыл сутегі саласындағы жобаларды дамыту бағдарламасы;

- ағымдағы сын-тегеуріндер мен жаһандық трендтерді ескере отырып, ынтымақтастықты кеңейту мүмкіндіктері;

- сутегі энергетикасы саласындағы жобаларды қаржылық және реттеушілік қолдау құралдары.

Тараптар сындарлы диалогты тұрақты жалғастыруға және экологиялық таза экономиканы дамытуға бағытталған бірлескен жобаларды іске асыруға өзара мүдделілігін растады.