KAZAKHMYS BARLAU АҚМОЛА ОБЛЫСЫНДА БАРЛАУ-БҰРҒЫЛАУ ЖҰМЫСТАРЫН БАСТАДЫ

Kazakhmys Barlau компаниясы Ақмола облысындағы кен орнында бағаналы барлау-бұрғылау жұмыстарына кірісті.

Аталған жұмыстар пайдалану алдындағы барлау кезеңі аясында жүргізілуде және геологиялық құжаттама мен сынама жүргізу мақсатында анықтамалық керн материалдарын алуға бағытталған.  

Бұрғылау шараларының негізгі мақсаты – кен орнының геологиялық құрылымын жан-жақты зерттеу және KazRC (CRIRSCO) Қазақстан Республикасының Жер қойнауы туралы кодексіне сәйкес пайдалы қазбалар ресурстарын растау.

Алтын кен орны кварцты-желілі типке және гидротермалдық кен түзілімдеріне жатады. Жалпы жоспарланған бұрғылау көлемі 14 000 пог.м. құрайды.

Қазір учаскеде 2 бұрғылау қондырғысы жұмылдырылған. Өндірістік жоспарға сәйкес саны кезең-кезеңімен көбейетін болады.