Жамбыл облысында «Дала сұңқары-2024» бірлескен тактикалық-арнайы оқу-жаттығуы жалғасуда

Қазақстан мен Қырғызстанның әскери қызметшілерінен құралған аралас контингент тау қорықшылары полкінің базасында және «Теріс-Ащыбұлақ» полигонында іс жүзіндегі сабақтарға кірісті.

Оқу-жауынгерлік міндеттерді орындау барысында жаттығуға қатысушылар таулы жерлерде марш жасау элементтерін пысықтады.

Оқу-жаттығудың соңғы кезеңінде заңсыз қарулы құралымның шартты лагерін құрсауға алып, жою жөнінде тактикалық эпизод орындалады.

Тактикалық деңгейдегі халықаралық оқу-жаттығуларды өткізу бірлескен міндеттерді орындау кезінде далалық машықты арттырудың және бөлімшелерді үйлестірудің тиімді әдісі болмақ.