Қорғаныс министрлігі «Қазақстан Республикасы Қарулы Күштерінің әскери мүлкін (қызметтік жылқыларды) пайдалануды ұйымдастыру жөніндегі нұсқаулықты бекіту туралы» бұйрықтың жобасын әзірледі.
Аталған құжат Қазақстан Республикасы Үкіметінің 2022 жылғы 2 маусымдағы № 357 қаулысымен бекітілген ҚР Қорғаныс министрлігі туралы ереженің 15-тармағының 144) тармақшасына сәйкес жариялануға дайындалды.
Онда Қарулы күштерде қызметтік аттарды ұстау және пайдалану ережелері, сондай-ақ бөлімшелерді аттармен жасақтау және оларды ветеринариялық қамтамасыз ету мәселелері регламенттелген.
Бұйрық жобасының толық мәтінімен «Электрондық үкімет» порталының «Ашық НҚА» бөлімінде осы жылдың 19 шілдесіне дейін мына сілтеме бойынша танысуға болады: https://legalacts.egov.kz/npa/view?id=14143361