Ұлттық қорғаныс универистетінде магистранттарды қорытынды аттестаттау басталды

Ұлттық қорғаныс универистетінде магистранттарды қорытынды аттестаттау басталды

Еліміздегі бас әскери оқу орны – Ұлттық қорғаныс университетінде Қорғаныс министрлігінің мемлекеттік аттестаттау комиссиясы жұмысқа кірісті. 

Қорытынды аттестаттау екі кезеңнен тұрады. Бірінші кезеңде магистранттар кешенді мемлекеттік емтихан тапсырса, екіншісінде – өздерінің магистрлік жобаларын қорғайтын болады.

Аттестаттау қорытындысы бойынша комиссия түлектің теориялық және практикалық дайындығы деңгейінің жедел-тактикалық және жедел-стратегиялық басқару буынының офицерлеріне қойылатын талаптарға сәйкестігін анықтайды.

– Мемлекеттік аттестаттау комиссиясы әр офицерге «магистр» дәрежесі мен мемлекеттік үлгідегі диплом беру туралы шешімді жеке қабылдайтын болады. Барлық магистранттар өздерінің дайындық деңгейінің жоғары екенін растайтынына сенімдімін, – деп атап өтті Ұлттық қорғаныс университетінің бастығы генерал-майор Лұт Әлшекенов.

Магистранттардың біліктілігін растау және білім деңгейін тексеру рәсімі биылғы жылдың 16 мамыры мен 18 маусымы аралығында өтеді.