Аумақтық әскерлерді қамтамасыз ету жөніндегі заңнамаға өзгерістер енгізіледі

Қорғаныс министрлігі «Қазақстан Республикасының Қорғаныс министрлігі туралы ережені бекіту туралы» Қазақстан Республикасы Үкіметінің 2001 жылғы 16 тамыздағы № 1074 қаулысына толықтыру енгізу туралы» Қазақстан Республикасы Үкіметі қаулысының жобасын әзірледі.

Аумақтық әскерлер органдарын қамтамасыз ету мәселелеріне қатысты түзетулер енгізіледі. Жаңа редакцияда аумақтық әскерлердің өңірлік органдары үшін қару-жарақ, әскери техника және арнайы құралдар қорларын сақтау мен құруды ұйымдастыру жөніндегі функцияны Қорғаныс министрлігіне бекіту ұсынылады.

Құжаттың толық нұсқасымен 2021 жылғы 14 желтоқсанға дейін ашық нормативтік құқықтық актілердің интернет-порталында сілтеме арқылы танысуға болады: https://legalacts.egov.kz/npa/view?id=13470109.