Ұлттық қорғаныс университетінде Қазақстан Республикасының Тұңғыш Президенті күніне арналған «Елбасы және тәуелсіздік: қуатты қауіпсіздік – қуатты Қазақстан» форумы өтті.
Іс-шара аясында Нұрсұлтан Әбішұлы Назарбаевтың елдің қорғаныс қабілетін нығайтудағы тиімді мемлекеттік қызметтің маңызды аспектілері қаралды.
– Қазақстан Республикасының Тұңғыш Президенті – Елбасы Нұрсұлтан Әбішұлы Назарбаев Қазақстан мемлекеттінің, оның қоғамдық-саяси және әлеуметтік-экономикалық тұрғыдан жандануына ықпал етті, – деп атап өтті Қорғаныс министрінің орынбасары генерал-лейтенант Сұлтан Қамалетдинов.
Баяндамашылар сөйлеген сөздерінде мемлекеттің ұлттық қауіпсіздікті қалыптастырудағы, ел тәуелсіздігін нығайтудағы, сондай-ақ оның орнықты және табысты даму траекториясын қамтамасыз етудегі Елбасының айрықша рөлін айтты.
Форумға қатысушылар қазіргі кезде Елбасының жеке басын әскери-саяси аспектіде кешенді зерделеу, оның мемлекеттің әскери қауіпсіздігін қамтамасыз етудегі тарихи маңызды рөлін зерттеу қажеттілігі артты деген пікірге келді.