Әскери бөлім командирлерінің орынбасарлары біліктілікті арттыру курсынан өтті

Қазақстан Республикасының Тұңғыш Президенті – Елбасы атындағы Ұлттық қорғаныс университетінде тәрбие құрылымдары офицерлерінің біліктілігін арттыру курсы аяқталды.

Курстың оқу бағдарламасын Тәрбие және идеологиялық жұмыстар департаментінің офицерлері, Ұлттық қорғаныс университеті әскери-гуманитарлық ғылымдар факультеті мен «Біліктілікті арттыру институты» факультетінің профессорлық-оқытушылар құрамы әзірледі. Ол әскери бөлімдер мен мекемелердегі әскерлердің күнделікті қызметінде тәрбие және идеологиялық жұмыстарды жоспарлауды, ұйымдастыруды және өтетін тақырыптарды, сондай-ақ төтенше жағдайлар туындаған кезде тәрбие құрылымдары офицерлерінің іс-қимыл алгоритмін қамтыды.

Әскери бөлімдер командирлерінің тәрбие және идеологиялық жұмыстар жөніндегі орынбасарларын даярлау бағдарламаларына мемлекеттің бағдарламалық құжаттарды зерделеу де кіреді.

Курстық даярлықтың барлық тақырыптары әскерлердің күнделікті қызметімен, жеке құрамды дайындау тәжірибесімен байланысы жан-жақты ескеріліп, қаралады.

Оқуды сәтті аяқтаған офицерлерге біліктілікті арттыру туралы сертификаттар табыс етілді.

Қазіргі уақытта Қазақстан Республикасы Қарулы Күштерінің, басқа да әскерлері мен әскери құралымдарының идеологиялық жұмысының жоспары әзірленгенін атап өту қажет. Жобада тәрбие жұмысындағы тұрақты көзқарастардың, идеялардың, нұсқамалардың және басым бағыттардың бірыңғай жүйесі ұсынылған.