ХАБАРЛАНДЫРУ

Инвестициялық жобаға серіктестер мен инвесторларды іздеу

Құрметті кәсіпкерлер мен инвесторлар!

Сіздерді студенттердің асханасының әлеуметтік мәселесін шешу үшін көп функционалды студенттік кешен, соның ішінде кафетерия, қоғамдық тамақтану орындары, студенттерге арналған мәдени және демалыс орындары және соған байланысты инфрақұрылымды (коворкингтер, шағын-маркеттер, кофеханалар) салу бойынша перспективалық жоба бойынша бірлесіп жұмыс істеуге шақырамыз.

Жобаның негізгі параметрлері:

Нысанның мақсаты: Студенттер мен профессор-оқытушылар құрамын сапалы және қолжетімді тамақпен қамтамасыз ету үшін тағамдық қызмет көрсету нысанын (студенттер асханасы) салу және іске қосу.

Жобаның көлемі: Нысанның жалпы ауданы 2500 шаршы метрден асады, бұл фуд-кортты және онымен байланысты инфрақұрылымды (коворкингтер, минимаркеттер, кофеханалар) дамытуға кең мүмкіндіктер ұсынады.

Университет мыналарды қамтамасыз етеді:

- мүдделі мемлекеттік органдармен және қызметтермен өзара іс-қимылды ұйымдастыруға жәрдемдесу;

- университет құзыреті шегінде жобаны әкімшілік, ұйымдастырушылық және құжаттамалық қамтамасыз ету;

- нысанды кампустың қолданыстағы инфрақұрылымына интеграциялауды қамтамасыз ету.

Инвестор тарапынан келесілер күтілуде:

- жобаны өз және/немесе қарыз қаражаты есебінен толығымен қаржыландыру;

- жоба алдындағы, жобалық-сметалық құжаттарды және басқа да қажетті құжаттарды әзірлеу;

- Қазақстан Республикасының заңнамасына сәйкес келісу және рұқсат беру рәсімдерін аяқтау;

- объектіні салу және пайдалануға беру;

- объектіні күтіп ұстау және қызмет көрсету.

Университет ынтымақтастықтың әртүрлі нысандарын зерттеуге ашық және Қазақстан Республикасының заңнамасына, тараптардың мүдделеріне және нысанның әлеуметтік мақсатына сәйкес келген жағдайда инвестор ұсынған жобаның қосымша шарттарын талқылауға дайын.

Студенттер, университет қызметкерлері және кампус келушілері үшін заманауи, ыңғайлы және функционалды ортаны жасайтын, сондай-ақ нысанның ұзақ мерзімді тұрақтылығы мен жұмыс тиімділігін қамтамасыз ететін жобаларға басымдық беріледі.

Жобаның артықшылықтары:

Кепілдендірілген трафик: мақсатты аудитория (студенттер, қызметкерлер, келушілер) есебінен тұрақты жоғары сұраныс.

Байланыс және ұсыныстар жіберуге арналған ақпараттар:

Егер сіз осы жобаға қызығушылық танытсаңыз және ынтымақтастық шарттарын талқылауға дайын болсаңыз, бізге хабарласыңыз:

Құрылымдық бөлімше: Инвестициялық жобалар және активтер департаменті

Телефон: [+7 (7172) 31-08-59]

Электрондық пошта: [office@kazatu.edu.kz]

Байланыстағы тұлға: [Әбдіразақова Н.П. / Директор]

Табысты және өзара тиімді серіктестік құруды асыға күтеміз!