ҚР АШМ-де «Кәсіби коммуникация» тақырыбында онлайн-дәріс өтті

ҚР АШМ Заң қызметі департаменті ұйымдастырған іс-шарада спикер ретінде Қазақстан Республикасы Президентінің жанындағы Мемлекеттік басқару академиясының сарапшы-тренері, филология ғылымдарының кандидаты, Басқару институтының штаттан тыс доценті Алтын Бакытжанова сөз сөйледі.

Дәріс барысында мемлекеттік қызмет жүйесіндегі кәсіби коммуникацияның негізгі аспектілері, іскерлік әдеп мәселелері, қызметтік өзара іс-қимылдың тиімділігі, сондай-ақ цифрлық ортадағы ауызша және жазбаша коммуникация ерекшеліктері қарастырылды.

Қатысушылар сындарлы диалог құру, қызметтік хат алмасу сапасын арттыру және корпоративтік мәдениетті нығайту бойынша практикалық ұсыныстар алды.

Осындай оқыту іс-шараларын өткізу қызметкерлердің кәсіби құзыреттерін дамытуға және Министрліктің қызмет тиімділігін арттыруға ықпал етеді.