Премьер-министр өнім көлемін бағалау және су ресурстарын оңтайлы басқару мақсатында отандық цифрлық шешімдерді белсенді тартуды тапсырды

Үкімет отырысында ҚР Премьер-министрі диқандарды цифрлық шешімдерді кеңінен қолдануға және су ресурстарын оңтайлы басқару мақсатында цифрландыруды пайдалануға ынталандыру қажеттігін атап өтті.

Цифрлық технологиялар климаттық тәуекелдерді болжауда, өнім көлемін бағалауда, сондай-ақ өсімдіктерді зиянкестерден қорғау құралдары мен тыңайтқыштарды тиімді пайдалануда маңызды рөл атқарады. Су ресурстарын оңтайлы басқару мақсатында цифрландыруды пайдалануға ерекше назар аудару қажет, — деп атап өтті Олжас Бектенов.

Өзекті мәселенің бірі – ауыл шаруашылығы техникасының әзірлігі. Ол бүгінге шамамен 80%-ды құрайды. Жаппай егіс жұмыстары басталғанша бұл көрсеткішті 100%-ға дейін жеткізу тапсырылды.