Қазақстаннан Қытайға теміржол арқылы 1 770 тонна зығыр тұқымы жеткізілді

Қытайдың солтүстік-батысындағы Нинся-Хуэй автономиялық аймағының әкімшілік орталығы Иньчуань қаласына Қазақстаннан теміржол арқылы Қытай – Орталық Азия бағытындағы шекарааралық жүк тасымалы аясында 1 767 тонна зығыр тұқымы жеткізілді.

Атап айтқанда, chinanews.com.cn интернет-порталының деректеріне сәйкес, Қытай мен Қазақстан арасындағы шекараны Хоргос бақылау-өткізу бекеті арқылы өткеннен кейін партия бондтық режимде Иньчуань қаласындағы теміржол логистикалық орталығының оңтүстік жүк паркіне жеткізілді. Содан кейін зығыр тұқымы автокөлікпен қаланың кешенді бондтық аймағына жедел жеткізілді, ол жерде қайта өңдеу жүргізілетін болады.

Өндірілген зығыр майы Иньчуань қаласы мен көршілес аудандардың нарықтарында сатылады деп жоспарлануда.

Нинся-Хуэй автономиялық аймағы Қытайда зығыр тұқымын өңдеу және тұтыну бойынша негізгі аймақтардың бірі саналады.

Сала өкілдерінің пікірінше, Қытай мен Орталық Азия елдері арасындағы теміржол жүк тасымалы бағыттарының іске қосылуы шекарааралық жеткізу мерзімін айтарлықтай қысқартуға, шығындарды төмендетуге және агроөнеркәсіп кешеніндегі кәсіпорындарға шикізат жеткізудің тұрақтылығын қамтамасыз етуге мүмкіндік берді.