Жас фермер. Асхат Айтқожаев — еңбек пен істің адамы

36 жастағы Асхат Айтқожаев — Жамбыл облысы Шу ауданына қарасты Ақсу ауылындағы «Асхат» шаруа қожалығының басшысы. Ол бала кезінен жерге деген сүйіспеншілікті бойына сіңіріп, ауыл еңбегіне қызығушылық танытып өскен.

Тараз мемлекеттік университетінің экономика факультетін тәмамдағаннан кейін туған ауылына оралып, өз шаруа қожалығын құрды. Асхаттың табандылығы мен агроөнеркәсіптік кешенді қолдау бойынша мемлекеттік бағдарламаларды белсенді пайдалануы оның шаруашылығының тұрақты дамуына жол ашты.

Асхат дәнді дақылдар мен көпжылдық шөп өсірумен айналысады. Қожалықта заманауи ауыл шаруашылығы техникалары бар: «Вектор» комбайны, КАТ тракторы, куН шөп пресс жинағыш, жүк көліктері.

Фермер мал шаруашылығына ерекше көңіл бөледі: қожалықта 100-ден астам ірі қара мал және 400-ге жуық қой бағылады. Сонымен қатар 50 бас ІҚМ-ға арналған бордақылау алаңы жұмыс істейді.

Асхат жұбайымен бірге бес бала тәрбиелеп отыр. Жасына қарамастан, ауылдастары арасында еңбекқор, бастамашыл әрі әлеуметтік белсенді азамат ретінде зор құрметке ие.

Ауыл шаруашылығынан бөлек, Асхат ауыл өміріне белсене араласады, қайырымдылық бастамаларды тұрақты түрде қолдап, мұқтаж жандарға көмек көрсетіп отырады.

Асхат Айтқожаев — туған жерге деген шынайы махаббат, еңбекқорлық пен мемлекеттің қолдауының арқасында жас фермерлердің табысқа жетіп, еліміздің ауыл шаруашылығының дамуына елеулі үлес қоса алатынын дәлелдеген жарқын үлгі.