Құрметті отандастар, сіздерді 1 мамыр – Қазақстан халқының бірлігі күнімен шын жүректен құттықтаймын!

Бұл – көпұлтты халқымыздың ауызбірлігін айғақтайтын әрі кемел келешегімізді құру кезінде ынтымақтың маңыздылығын байқататын айрықша мейрам.
Ел егемендігін алған сәттен бастап отандастарымыз түрлі қиындықты еңсеріп, тәуелсіздігімізді нығайту мен орнықты өсімді арттыруға аянбай атсалысты. Мұндай табысты жетістікке қоғамның бірігуі мен барлық мемлекеттік институттың үйлесімді жұмысы әсер етті.
Осы орайда баршаңызға зор денсаулық, амандық, толайым табыс және барлық арман-мақсатқа жетулеріңізді шын жүректен тілеймін!
Отанымызды өркендету жолында тың жетістіктерге жетелейтін берекелі күн болсын!