ҚР Қаржы министрі М. Такиев: Еуропа қайта құру және даму банкінің Қазақстанға инвестицияларының өсуінде жеке сектор шешуші рөл атқарды

Қазақстан Республикасының Қаржы министрі Мәди Такиев Австрия, Израиль, Кипр, Мальта, Қазақстан, Босния және Герцеговина атынан өкілдік ететін Еуропа қайта құру және даму банкінің (ЕҚДБ) Директорлар кеңесінің мүшесі Элизабет Вицтуммен кездесу өткізді.

Кездесуде ҚР Үкіметі мен ЕҚДБ арасындағы ынтымақтастықтың жалпы басымдықтары, сондай-ақ Қазақстанның 2025 жылғы 13-15 мамырда Ұлыбританияның Лондон қаласында өтетін ЕҚДБ-ның Жыл сайынғы отырысына қатысуы талқыланды. Қазақстан үшін Инвестициялық сессиясын өткізу мәселесіне ерекше назар аударылды.

Элизабет Вицтум Қазақстанның Орталық Азиядағы ЕҚДБ-ның негізгі серіктесі ретіндегі маңызды рөлін атап өтіп, Банктің ел экономикасының тұрақты дамуын қамтамасыз ететін стратегиялық жобаларды қолдауды жалғастыруға дайындығын білдірді.

Мәди Такиев ЕҚДБ-мен өзара іс-қимылдың жоғары маңыздылығын, Банктің инвестицияларды тарту және ел инфрақұрылымын жаңғырту бастамаларын іске асырудағы үлесін оң бағалады.

Кездесу қорытындысы бойынша Тараптар ынтымақтастықты одан әрі нығайтуға дайындығын растады және Қазақстанның инвестициялық тартымдылығын және экономикалық өсуін арттыруға бағытталған бірлескен жобаларды іске асыру үшін әлеуетін нақтылап атап өтті.

Кездесуге сондай-ақ ЕҚДБ-ның Орталық Азия және Моңғолия бойынша басқарушы директоры Хусейн Озхан және Қазақстан бойынша басшының орынбасары Асқар Намазбаев қатысты.

 

ҚР Қаржы министрлігінің баспасөз қызметі