Қазақстан Республикасы «Қазақстан Республикасының кейбір заңнамалық актілеріне бизнес жүргізу мәселелері бойынша өзгерістер мен толықтырулар енгізу туралы» Заңы және Қазақстан Республикасы Өнеркәсіп және құрылыс министрлігінің 2024 жылғы 09 сәуіріндегі № 24-02-24/774-И және 2024 жылдың 17 сәуіріндегі № 24-02-24/24-02-24/774-И қорытындылары негізінде «Қазақстан Республикасы Қаржы министрінің «Қазақстан Республикасының Бірыңғай бюджеттік сыныптамасының кейбір мәселелері туралы» 2014 жылғы 18 қыркүйектегі № 403 және «Бюджет түсімдерін бюджеттердің деңгейлері, Қазақстан Республикасы Ұлттық қорының қолма-қол ақшаны бақылау шоты, Жәбірленушілерге өтемақы қоры, Білім беру инфрақұрылымын қолдау қоры, Арнаулы мемлекеттік қор және Еуразиялық экономикалық одаққа мүше мемлекеттердің бюджеттері арасында бөлу кестесі» 2014 жылғы 18 қыркүйектегі № 404 бұйрықтарына толықтырулар және өзгерістер енгізу туралы» Қазақстан Республикасы Қаржы министрінің бұйрық жобасы (бұдан әрі – бұйрық жобасы) әзірленді.
Бұйрық жобасымен бюджеттік бағдарламалар мен бюджеттік кіші бюджеттік бағдарламалары бойынша өзгерістер мен толықтырулар, сондай-ақ түсім түрінің атауына өзгерістер енгізілді.
Бұйрық жобасы ашық нормативтік құқықтық актілер интернет-порталына (http://legalacts.egov.kz) 2024 жылғы 19 сәуірде орналастырылды.