100 миллион теңгеден астам декларацияланбаған қолма қол ақшаны Астанадан шығаруға тырысты

Астана қаласы бойынша Мемлекеттік кірістер департаментінің «Ауежай-Астана» кеден бекетінде ағымдағы жылдың сәуір және мамыр айларында кедендік бақылауды жүзеге асыру кезінде 100 млн.теңгеден астам сомаға ақшалай қаражатты, сондай-ақ 1 құйма тазартылған алтынды заңсыз әкету әрекеті анықталды.

Осылайша, Астана қаласы бойынша Экономикалық тергеу департаментімен бірлесіп жүргізілген іс – шаралардың нәтижесінде «Астана-Анталия» әуе рейсін тексеру кезінде 118 392 АҚШ доллары, 28 750 рубль, 92 885 еуро сомасында декларацияланбаған қолма-қол ақшасы табылған азамат тоқтатылды.

Қазақстан Республикасы Қаржы министрлігі жеке тұлғаларға Қазақстан Республикасынан 10 000 АҚШ доллары баламасынан асатын сомадағы қолма-қол шетел валютасын және шетел валютасындағы ақша құралдарын әкетуге, сондай-ақ тазартылған алтынды әкетуге тыйым салынатыны туралы еске салады.

Бұл ретте мұндай бұзушылықтар анықталған кезде Қазақстан Республикасының заңнамасына сәйкес әкімшілік немесе қылмыстық жауапкершілік көзделеді. #ҚР_ҚМ_баспасөз_қызметі