Жаңа Салық кодексі : Астанада өткен мерейтойлық V форумда білікті спикерлер бас қосты

Астанада салық және бизнесті қорғау мәселелеріне арналған мерейтойлық V форум өткізілді. Бас шаһарда ұйымдастырылған маңызды басқосуға жаңа Салық кодексі арқау болды. ҚР Қаржы вице-министрі Ержан Біржанов мемлекет пен кәсіпкерлердің арасындағы өзара байланыстың қалай өзгергені жайлы айтып берді. Бүгінде бұл бағытта цифрландыруға баса мән беріліп, орынсыз тексерулер тежеліп келеді. Ең бастысы: Цифрландыру - тың IT шешімдердің арқасында салықтар ашық және түсінікті болады. Қолдау артады: Қаржы министрлігі шағын бизнесті қолдап, салық мәдениетін дамытуды көздейді. Диалог: ведомство бизнеспен кез келген мәселені тікелей диалог арқылы сотқа дейінгі тәртіппен шешуге дайын. Реформа нарықтың барлық қатысушысына салық жүйесін жайлы және болжамды етуге арналған.