Қазақстан Республикасы Қаржы министрлігінің ведомстволық бағынысты ұйымдарында жаңа Конституцияның ережелерін түсіндіру және насихаттау мақсатында семинарлар кеңінен өткізілуде.
2026 жылғы 23 маусымда «Ақпараттық-есептеу орталығы» АҚ-да Қазақстан Республикасының жаңа Конституциясының ережелерін түсіндіруге арналған кезекті семинар ұйымдастырылды.
Семинардың дәріскері ретінде Қазақстан Республикасы Әділет министрлігінің Заңнама және құқықтық ақпарат институтының ғылыми қызметкері Арман Батраханов сөз сөйледі.
Кездесу барысында қатысушыларға жаңартылған Конституцияның негізгі ережелері, олардың заң үстемдігі қағидаттарын одан әрі нығайтудағы, заңдылықты қамтамасыз етудегі және адам құқықтары мен бостандықтарын қорғаудағы маңызы жан-жақты түсіндірілді.
Мұндай іс-шараларды өткізу азаматтардың құқықтық сауаттылығы мен құқықтық мәдениетін арттыруға, конституциялық құндылықтарға құрметпен қарауды қалыптастыруға, сондай-ақ елдің орнықты дамуы үшін жүргізіліп жатқан конституциялық реформалардың маңызын терең түсінуге ықпал етеді.
ҚР Қаржы министрлігі «Кәсіпкердің бірыңғай жеке кабинеті» (КБЖК) порталында «Дара кәсіпкердің қызметін тоқтату» жаңа сервисін, сондай-ақ ЖШС жеңілдетілген тәртіппен тарату жөніндегі электронды қызметті іске қосты.
Бұдан былай кәсіпкерлер мемлекеттік органдарға бармай-ақ және түрлі ақпараттық жүйелерге ауыспай ЖК жауып, сол секілді ЖШС толығымен электронды форматта таратуға өтініш бере алады. Аталған функция бизнеске арналған «бір терезе» қағидатын дамытудағы кезекті қадамның бірі.
КБЖК – кәсіпкерлерге Қаржы министрлігінің негізгі цифрлы сервистеріне жол ашатын біртұтас мемлекеттік портал. Платформа арқылы пайдаланушылар хабарлама алып, салық қызметтерін қолданып, сондай-ақаналитикалық құралдармен жұмыс істеп, контрагенттерменөзара әрекеттесіп, ЖИ-көмекшісінің кеңесін ала алады.
Бұған дейін ЖК қызметін тоқтату немесе ЖШС тарату рәсімі тиісті органдарға тікелей жүгініп, құжаттар пакетін дайындауды талап ететін. Енді барлық процесс – өтініш беруден бастап нәтижеге дейін бірыңғай кабинетте онлайн режімде қолжетімді.
Айталық, дара кәсіпкерлер мемлекеттік кірістер органдарына бармай-ақ бірнеше қадам жасап, өтініш беру арқылы қызметтерін тоқтата алады. Ал ЖШС үшін кәсіпті тарату тетігі жеке кабинетте мәртебені қадағалау мүмкіндігімен жеңілдетілген тәртіпке сәйкес өтініш беру жолы қарастырылған.
Бұл сервистің іске қосылуы ЖК тоқтату мен ЖШС таратудың қолданыстағы тәртібін өзгертпейтінін айта кеткен орынды. Барлық рәсім бұрынғыдай еліміздің салық заңнамасымен реттеледі. Тың функция цифрлы өзара іс-қимыл арқылы процесті жайлы, қолжетімді және ашықетеді.
Осы қызметті іске қосу кезең-кезеңімен жүзеге асырылып келеді. Бірінші кезеңде сервис жеке кәсіпкерлерге, резидент заңды тұлғаларға және олардың филиалдарына (резидент заңды тұлғалардың құрылымдық бөлімшелеріне) қолжетімді болады. Болашақта сервистіжеке практикамен айналысатын тұлғалар, бірлескен жеке кәсіпкерлікке қатысушылар, сондай-ақ бірігіп қайта құрылымдаудан өтіп жатқан заңды тұлғалар пайдалана алады.
ЖК үшін өтініш беруден бастап түпкілікті нәтижені алғанға дейінгі барлық процесс автоматты түрде жүзеге асырылады. ЖШС үшін қызмет ішінара автоматтандырылған, алайда екі жағдайда да қажетті рәсім Қаржы министрлігінің сервистері тарапынан толықтай электронды форматта орындалады.
ҚР Қаржы вице-министрі Әсет Тұрысовтың айтуынша, КБЖК бизнеске бағытталған біртұтас цифрлы экожүйе ретінде бірізді түрде дамып келеді. Мұнда кәсіпкерлерге мемлекеттік қызметтер жайлы онлайн-форматта көрсетіледі.
«Біз жеке кабинеттің мүмкіндіктерін кеңейтуді жалғастырамыз. Осы арқылы бизнес көптеген мәселені қашықтан шешетін болады. Цифрлы сервис ЖК қызметін тоқтатудан бастап ЖШС таратуға дейінгі процесті тез, ыңғайлы және қажетсіз әкімшілік кедергілерсіз өтуге мүмкіндік береді», деді Әсет Нұрланұлы.
Тың тетіктің тиімділігі:
• ЖК қызметін тоқтату немесе ЖШС онлайн режімде таратуға өтініш беру;
• түрлі мемлекеттік органдар мен ақпараттық жүйелерге жүгінуден арылу;
• өтінішті рәсімдеудің қарапайым және түсінікті тәртібі;
• жеке кабинетте өз мәртебеңді бақылау мүмкіндігі;
• КБЖК бірыңғай аккаунты арқылы қызметтерді алу.
Қызметті қалай пайдалануға болады?
• ЭЦҚ және СМС-код көмегімен порталға кіру.
• Қажет болған жағдайда «Профиль» бөлімінде ЖК немесе заңды тұлғаның рөлін таңдау.
• Қызметті тоқтату немесе тарату туралы өтініш беру сервисіне өту.
• Қажетті мәліметтерді толтыру.
• Өтінішке электронды цифрлы қолтаңбамен қол қою.
• Жеке кабинетте өтініштің қаралуын қадағалау.
КБЖК тіркеліп, салық құралдары мен хабарламалардан бастап кәсіпкерлерге арналған жаңа цифрлы сервистерді бір жерден пайдаланыңыз.
Іс-шара барысында мемлекеттік қызмет саласында жоғары кәсібилігімен, жауапкершілігімен, мінсіз қызметімен, іскерлігімен және нәтижелі еңбегімен ерекшеленген бірқатар қызметшілерге құрмет көрсетілді.
Қазақстан Республикасы Мемлекеттік қызметістері агенттігінің ведомстволық төсбелгілерімен Қаржы министрлігі жүйесінің қызметкерлері марапатталды.
«Үздік мемлекеттік қызметші» төсбелгісі Кадр қызметі департаментінің бас сарапшысы Динара Шакироваға табысталды.
Д. Шакирова Қаржы министрлігінде 20 жылдам астам уақыт жемісті еңбек етіп, кадрлық процестерді жетілдіру, адами капиталды дамыту және мемлекеттік қызметшілердің кәсіби әлеуетін арттыру бағытында елеулі үлес қосып келеді.
«Мемлекеттік қызмет ардагері» төсбелгісімен Бюджеттік жоспарлау департаментінің бас сарапшысы Гульнара Ергазина, Мемлекеттік кірістер комитетінің бас сарапшысы Марат Сеитов, Мемлекеттік қазынашылық комитетінің бас сарапшысы – бас қазынашысы Нурия Жакслыкова, Солтүстік Қазақстан облысы бойынша Ішкі мемлекеттік аудит департаментінің басшысы Зауреш Капарова, Астана қаласы мемлекеттік мүлік және жекешелендіру департаменті басшысының орынбасары Раушан Онаева марапатталды.
Г. Ергазина еңбек қызметі жылдарында жетекші маманнан аудандық қазынашылық бөлімшесінің басшысына дейінгі кәсіби жолдан өтіп, еліміздің қазынашылық жүйесін дамытуға елеулі үлес қосты, заманауи ақпараттық жүйелерді енгізуге және мемлекеттік қаржыны басқару процестерін жетілдіруге тікелей қатысты.
М. Сеитов мемлекеттік кірістер саласында ұзақ жылдар бойы табысты қызмет атқарып, заңнаманың сапалы орындалуы және мемлекеттік кірістер жүйесінің тиімділігін арттыру бағыттарында кәсіби тәжірибесін көрсетіп келеді.
Н. Жакслыкова қаржы жүйесінде 30 жылға жуық адал қызмет атқарып, бюджеттік заңнаманың тиімді іске асуына, қазынашылық қызметтің сапасын арттыруға және мемлекеттік қаржы тәртібін нығайтуға үлес қосып келе жатқан тұлға.
З. Капарова ішкі мемлекеттік аудит саласында жауапты қызмет атқарып, ауданда мемлекеттік қаржы ресурстарының мақсатты пайдаланылуын қамтамасыз ету бағытында кәсібилігімен ерекшеленді.
Р. Онаева мемлекеттік мүлік және жекешелендіру саласында көпжылдық тәжірибесімен, ұйымдастырушылық қабілетімен және мемлекеттік активтерді тиімді басқару бағытында еңбегімен танылды.
Сонымен қатар, Қазақстан Республикасының Премьер-Министрі Олжас Бектеновтың Алғыс хаттарымен әріптестеріміз Любовь Бозхаева, Гаухар Акбасова, Гульжан Калменовалардың ата-аналары марапатталғандығын атап өтеміз. Алғыс хатта сүйікті қыздарының жоғары кәсіби деңгейі, ел дамуына қосқан үлесі және лайықты тәрбиесі үшін ризашылық білдірілген.
Қаржы министрлігі мемлекеттік қызметтің беделін арттыруға, кәсіби кадрлық әлеуетті дамытуға және ел игілігі жолында қызмет ету қағидаттарын нығайтуға ерекше мән береді.
Министрлік ұжымы марапат иелерін шын жүректен құттықтап, оларға зор денсаулық, табыс және ел мүддесі жолындағы қызметтеріне сәттілік тілейді.
Сіздерді 23 маусым – Мемлекеттік қызметші күнімен шын жүректен құттықтаймын!
Бұл – мемлекеттік аппараттың үздіксіз жұмысы мен тиімділігін қамтамасыз етіп келе жатқан сала мамандарының кәсіби мейрамы.
Елді өркендету, ұлттық мүддеге қызмет ету мен халықтың әл-ауқатын жақсарту – әр мемлекеттік қызметшінің қастерлі борышы. Қазақстанның қаржы-экономикалық тұрақтылығы, мемлекеттік стратегияның және реформалардың сәтті орындалуы сіздердің табанды еңбектеріңізбен тығыз байланысты.
Үлкен жауапкершілік пен жоғары кәсібилікті талап ететін жұмыстарыңызға толағай табыс тілеймін!
Қасиетті Отанымыздың абыройы асқақ, мәртебесі биіктей берсін!
Ізгі тілекпен,
Мәди ТАКИЕВ
ҚР Қаржы министрі
Қазақстан Республикасы Парламентінің Мәжілісі рәсімдердің шарттарын жеңілдететін, сондай-ақ құқықтық тетіктерді жосықсыз пайдалану тәуекелдерін азайтатын оңалту және банкроттық мәселелері бойынша заңнамаға түзетулерді мақұлдады.
Қазіргі уақытта заң жобасы Қазақстан Республикасы Парламентінің Сенатында қаралып жатыр.
Түзетулердің негізгі мақсаты — бизнесті сауықтыру және дәрменсіз деп тану рәсімдерін барынша ашық ету, олардың өткізу мерзімдерін қысқарту, сондай-ақ әдейі банкроттық пен теріс пайдалану фактілерін азайту.
Заң жобасының негізгі жаңалықтары:
* Жалған рәсімдерді шектеу: егер борышкердің салық органдарынан басқа кредиторы (кредиторлары) болмаса, оңалтуды бастауға тыйым салынады;
* Мүлікті сатуды оңтайландыру: банкроттың активтерін тікелей сатуды жүзеге асыру кезінде кредиторлар жиналысының өкілеттігі нақты регламенттеледі;
* Процестердің созылуынан қорғау: алдыңғы сот бас тартуын алған жағдайда банкроттық туралы өтінішті қайта беру, кредиторлармен келісу болған кезде банкроттық рәсімін аяқтау үшін қатаң мерзімдер белгіленеді;
* Цифрлық арналарды кеңейту: отырыстар мен комитеттердің өткізілуі туралы кредиторларды жедел хабардар етудің жаңа тәсілдері енгізіледі;
* Әкімшілердің мәртебесін арттыру: азаматтыққа қойылатын талаптар нақтыланады, банкроттықты басқарушының өкілеттіктері кеңейтіледі және дәлелді себеп болған кезде міндеттерден мерзімінен бұрын бас тарту тетігі енгізіледі.
Заң жобасы төлем қабілеттілігін қалпына келтіруге ұмтылған борышкерлер мен өздерінің қаржылық мүдделерін қорғайтын кредиторлардың құқықтарын теңгерімдеуге бағытталған. Жаңашылдықтар Қазақстанның қаржы нарығын цифрландырудың жалпы стратегиясымен үйлестірілген.
Соңғы үш жылда ұлттық банкроттық институты ауқымды цифрлық трансформациядан өтті.
Егер бұрын оңалту және банкроттық рәсімдері шеңберіндегі барлық процестер тек қағаз жүзінде жүзеге асырылса, бүгінгі күні жұмыстың едәуір бөлігі Салықтық әкімшілендірудің интеграцияланған жүйесі ақпараттық жүйесінде (СӘИЖ) электрондық форматқа көшірілді.
СӘИЖ-де 6 мыңнан астам іс цифрландырылды, 30 мыңнан астам құжат электрондық түрде қабылданып, өңделді, бұл қарау процестерін айтарлықтай жеделдетуге және олардың ашықтығын арттыруға мүмкіндік берді.
Сыртқы пайдаланушылар үшін цифрлық сервистерді дамыту маңызды қадам болды. Комитеттің жаңа порталында (portal.kgd.gov.kz) келесілерге қолжетімділікті қамтамасыз ететін ашық API-сервистер іске асырылды:
- банкрот деп тану, оңалту рәсімін қолдану немесе банкроттық рәсімін қозғамай тарату туралы заңды күшіне енген сот шешімдері бар борышкерлердің тізімдері;
- оңалту рәсімін тоқтату туралы заңды күшіне енген сот ұйғарымдары бар жеке кәсіпкерлер мен заңды тұлғалардың тізімдері;
- банкроттық ісін қозғау және кредиторлардың талаптарын мәлімдеу тәртібі туралы хабарландырулар;
- оңалту ісін қозғау және кредиторлардың талаптарын мәлімдеу тәртібі туралы хабарландырулар;
- борышкерді банкрот деп тану және банкроттық рәсімін қозғай отырып оны тарату туралы хабарландырулар;
- банкроттық рәсімін қозғамай борышкерді тарату туралы хабарландырулар;
- банкроттық рәсіміндегі кредиторлар жиналысын өткізу туралы хабарламалар;
- реабилитация рәсіміндегі кредиторлар жиналысын өткізу туралы хабарламалар;
- банкроттық және оңалту рәсімдеріндегі кредиторлар талаптарының тізілімі.
API-сервистерге қосылу үшін келесі сілтеме бойынша өту қажет: https://portal.kgd.gov.kz/ru/pages/api-services.
Айта кету керек, электрондық құжат айналымына көшу әкімшілік жүктемені азайтып қана қоймай, адам факторына байланысты қателіктер тәуекелін де төмендетеді.
Өз кезегінде, ашық API енгізу рәсімдердің ашықтығын арттыруға және банкроттық институтының айналасында цифрлық экожүйені дамытуға ықпал етеді.
Сонымен қатар, борышкерлер істерін цифрландыру және банкроттық рәсіміне қатысушылардың өзара іс-қимылын автоматтандыру болашақта әкімшілендіруді және әдейі банкроттық белгілерін анықтауды автоматтандыруға мүмкіндік береді.
Қазіргі уақытта бұл міндет біз үшін басым бағыт болып табылады.
Осылайша, қысқа мерзім ішінде банкроттық институты қағаз бюрократиядан уақыт талаптары мен пайдаланушылардың - әкімшілердің, кредиторлардың және рәсімге қатысушылардың - күтілімдеріне сәйкес келетін заманауи цифрлық шешімдерге өтті.
Ағымдағы жылдың басы жеке тұлғалар және заңды тұлғалар банкроттығы саласындағы бірқатар өзгерістермен ерекшеленді.
2026 жылдың 16 қаңтарында «Қазақстан Республикасы азаматтарының төлем қабілеттілігін қалпына келтіру және банкроттығы туралы» және «Оңалту және банкроттық туралы» Қазақстан Республикасының заңдарына түзетулерге қол қойылды.
Соңғы бірнеше жылдар ішінде заңды тұлғалар банкроттығы саласы айтарлықтай өзгерістерге ұшырамаған еді. Алайда, бұл саладағы құқықтық қатынастардың үрдісі рәсімдер тиімділігін жоғарылату бойынша кезекті қадамның қажеттілігін көрсетті. Бұл ретте рәсімге қатысушылар ыңғайлылығы үшін тиісті түзетулер кезең-кезеңмен енгізіледі.
Сонымен, 2026 жылдың 19 наурызынан бастап келесілерді:
- банкроттықты басқарушыға қосымша құқықтар беруді (қосымша сыйақыны есептеу кезінде және заңды тұлғаны қайта тіркеуді жарамсыз деп тану үшін сотқа жүгіну бойынша);
- уақытша басқарушыны шеттету функциясын енгізуді;
- кредиторлар жиналысы/комитеті отырысы туралы кредиторларды хабарландыру тәсілдерін кеңейтуді;
- алдындағы бас тартудан кейін банкрот деп тану туралы өтінішпен қайта жүгіну мерзімін белгілеуді;
- салықтарды және басқа да міндетті төлемдерді төлеу бойынша кредитордан басқа өзге кредиторлар болмаған жағдайда оңалту рәсімін қолдануға жол бермеуді;
- банкроттың мүлкін тікелей сату кезінде кредиторлар жиналысының өкілеттілігін анықтауды көздейтін түзетулер қолданысқа енгізіледі.
Аталған өзгерістер оңалту және банкроттық рәсімдерін жосықсыз пайдалану талпыныстарын азайтуға мүмкіндік береді және олардың ашықтығын жоғарылатады деп күтілуде.
Өз кезегінде, бұл бағыттағы жұмыс аяқталған жоқ. Бүгінде әкімшілердің деңгейін жоғарылатуға және кредиторлардың құқықтарын кеңейтуге бағытталған «Оңалту және банкроттық туралы» Заңға түзетулер Қазақстан Республикасы Парламентінің Мәжілісі қаралуында.
Соңғы уақытта міндеттемелерін орындай алмаған немесе әдейі орындаудан жалтарған компаниялардың сот арқылы әдейі банкрот деп танылу жағдайлары жиілеп кетті. Алайда қазіргі таңда мұндай әрекеттер жазасыз қалмайды.
Әдейі банкроттық ұғымы Қазақстан Республикасының «Оңалту және банкроттық туралы» Заңында бекітілген, оған сәйкес, әдейі банкроттық деп кредиторлар алдындағы міндеттемелерді орындаудан жалтаруға бағытталған, мүлікті жасыру немесе иеліктен шығару жолымен жасалған құрылтайшының, лауазымды тұлғаның немесе дара кәсіпкердің қасақана әрекеттері танылады.
Әдейі банкроттықтың белгілері ретінде әдейі тиімсіз немесе жалған мәмілелер жасасу, активтерді шығару, қарыздарды өндіріп алудан бас тарту, мүлікті жасыру немесе беру, берешекті жалған арттыру, басқару және есеп жүйесін қасақана бұзу, сондай-ақ өзге де заңсыз әрекеттер танылуы мүмкін.
Қазақстан Республикасының заңнамасында, атап айтқанда жоғарыда көрсетілген Заңда, Әкімшілік құқық бұзушылық туралы кодексінде және Қазақстан Республикасының Қылмыстық кодексінде құрылтайшылар мен лауазымды тұлғалардың жеке жауапкершілігі көзделген.
Егер банкроттықтың әдейі жасалғаны анықталса, онда сот тәртібімен бақылаушы тұлға субсидиарлық жауапкершілікке тартылуы мүмкін, яғни компанияның берешектерін өз қаражаты есебінен өтеуге міндетті болады.
Сонымен қатар, егер кінәлі тұлға әкімшілік немесе қылмыстық тергеп-тексеру нәтижесінде кінәлі деп танылса, онда банкроттық рәсімі аяқталғаннан кейін де субсидиарлық жауапкершілікке тарту мүмкіндігі сақталады.
2024–2025 жылдаға банкроттық рәсіміндегі барлық борышкерлердің қызметіне жүргізілген талдау нәтижесінде 120 әкімшілік өндіріс және 44-тен астам қылмыстық іс әдейі банкроттық белгілері бойынша қозғалды.
Енді мемлекеттік кірістер органдарының жоспарларында әдейі банкроттық белгілерін анықтаудың автоматтандырылған құралдарын пайдалану, мәмілелерді, компаниялар арасындағы байланыстарды және борышкерлердің мінез-құлқын талдау, ол үшін оңалту және банкроттық рәсімдерін автоматтандыру бойынша белсенді жұмыс басталды.
Мысалы, 2024 жылы Жамбыл облысында компанияның бұрынғы директоры сот үкімімен әдейі банкроттық жасағаны үшін кінәлі деп танылды, ал 2025 жылы сот бұл тұлғадан компанияны банкрот деп тануға дейін банктік шоттардан шығарылған ақша түріндегі активтер үшін кредиторлардың пайдасына 45 миллион теңгеден астам қаражат өндіруге шешім қабылдады.
Мұндай жағдайлар жекелеген мысалдар емес, тек 2025 жылдың өзінде кінәлі тұлғаларға қатысты 12-ден астам осындай сот шешімі шығарылған, борышкерлердің заңсыз әрекеттерін автоматтандырылған түрде анықтау процестері енгізілуіне байланысты, мемлекеттік кірістер органдары аналитикалық негізділік пен жүйелі дәлелдемелер базасының арқасында құқық қорғау органдарына жолданатын материалдардың тиімділігі артады деп күтуде, сәйкесінше сотқа жолданатын талаптардың да артуына әкеледі.
Осылайша, банкроттық рәсімі жосықсыз кәсіпкерлер үшін жауапкершіліктен жалтару тәсілі болуды тоқтатады және әділдікті қалпына келтірудің пәрменді құралы — кінәлі тұлғаларды жеке жауапкершілікке тарту есебінен кредиторлардың талаптарын барынша қанағаттандыруға бағытталған тетікке айналады. Ескіру мерзімі ұзартылуы мүмкін, ал қаржылық және қылмыстық жауапкершілік нақты.
2025 жылғы 8 - 10 қазан аралығында Оқу-әдістемелік орталығы ҚР ҚМ МКК Дәрменсіз борышкерлермен жұмыс басқармасымен бірлесіп «Әдейі банкроттық белгілерін анықтау мақсатында банкроттыққа дейінгі кезеңде борышкердің қаржы-шаруашылық қызметіне талдау жүргізу» тақырыбында қашықтықтан семинар өткізді.
Іс-шараның мақсаты – әдейі жасалған банкроттық белгілерін анықтау тиімділігін арттыру.
Семинарға аумақтық мемлекеттік кірістер органдары Дәрменсіз борышкерлермен жұмыс басқармаларының/бөлімдерінің қызметкерлері қатысады.
Семинар тыңдаушылары үшін Polycom арқылы дәріс оқылды, дәріскерлер ретінде:
Душкенова Назгуль Кувашевна - Қазақстан Республикасы Қаржы министрлігі Мемлекеттік кірістер комитетінің Дәрменсіз борышкерлермен жұмыс басқармасы басшысының орынбасары;
Исабекова Айгерим Эрыковна - Қазақстан Республикасы Қаржы министрлігі Мемлекеттік кірістер комитетінің Дәрменсіз борышкерлермен жұмыс басқармасының бас сарапшысы;
Тулеубаев Ермек Бейшенович - Қазақстан Республикасы Қаржы министрлігі Мемлекеттік кірістер комитетінің Дәрменсіз борышкерлермен жұмыс басқармасының бас сарапшысы сөз сөйледі.
Семинарға қатысушылардың тарапынан лекторға сұрақтар қойылып, оларға толық жауаптар берілді.
Семинар қорытындысы бойынша 103 қатысушы біліктілігін сәтті арттырғандығы туралы электронды сертификат алды.
ҚР Қаржы министрлігінің орталық аппаратында Жаңа Конституцияның ережелерін түсіндіруге және конституциялық реформаларды іске асыру мәселелеріне арналған кезекті семинар өтті.
ҚР Қаржы министрлігі Аппаратының басшысы Эрнар Ержанов құттықтау сөзінде Жаңа Конституцияның мемлекет пен қоғамның дамуындағы рөлін терең түсінудің маңыздылығын атап өтті.
Іс-шараның спикерлері ретінде ҚР Әділет министрлігінің Заңнама және құқықтық ақпарат институтының өкілдері – Ғылыми қызмет департаментінің директоры, философия докторы (PhD) Тимур Авенов және бөлім басшысы, философия докторы (PhD) Маржангүл Акимжанова сөз сөйледі.
Кездесу барысында қатысушылар Жаңа Конституцияның негізгі ережелері, олардың құқықтық мемлекетті одан әрі дамытудағы, заң үстемдігі қағидаттарын нығайтудағы және азаматтардың құқықтары мен бостандықтарын қорғаудағы рөлі туралы жан-жақты түсіндірмелер алды. Конституциялық нормаларды практикалық тұрғыдан қолдану мәселелеріне ерекше назар аударылды. Қатысушылардың Жаңа Конституцияның ережелеріне қатысты барлық сұрақтарына жан-жақты жауаптар берілді.
Осындай іс-шараларды министрліктің барлық комитеттері мен ведомстволық бағынысты ұйымдарында өткізу жоспарланып отыр.