Баспасөз релизі
ҚР Қаржы министрлігі Аппеляциялық комиссиясының
2021 жылғы жұмыс қорытындылары
2021 жылы Апелляциялық комиссияның 35 отырысы өткізіліп, 432 шағым қаралды, салық төлеушілердің/СЭҚ қатысушыларының дәлелдері қолдау тапты және 118 шағым бойынша тексеру нәтижелері жойылды, бұл қаралған шағымдардың жалпы санының 27% құрайды.
2021 жылғы апелляциялық комиссияның отырыстарына салық төлеушілердің және СЭҚ қатысушыларының 193 өкілі қатысып, өздерінің дәлелдерін Апелляциялық комиссияның мүшелеріне жеткізді.
Қазақстан Республикасы Қаржы министрлігінің ресми сайтында (www.minfin.gov.kz) «Қызмет/Апелляциялық комиссия/Салықтық және кедендік дауларды қарау практикасы» бөлімінде салықтық және кедендік даулар бойынша 667 шешім орналастырылды, оның ішінде 2021 жылға 168 шешім орналастырылды. Бұдан басқа, «Қазақстандағы салықтар» және «KZ есеп» бизнес-қоғамдастығының интернет-ресурстарында салықтық және кедендік даулар бойынша 349 шешім орналастырылды.
2021 жылы Бизнес ұсыныстарын ескере отырып, олардың құқықтары мен мүдделерін қорғау мақсатында, Апелляциялық комиссияның құрамына қосымша бизнес-қоғамдастықтың екі өкілі - Қазақстанның салық төлеушілер қауымдастығының (ҚСтҚ) Басқарушы кеңесінің төрағасы және «Қазақстандық кеден брокерлері қауымдастығы (өкілдері)» ЗТБ (ҚКБҚ) кеңесінің төрағасы енгізілді.