Қазақстанның жаңа Конституциясының жобасы Тәуелсіз Мемлекеттер Достастығында таныстырылды

Қазақстанның Беларусьтегі Елшісі, Тәуелсіз Мемлекеттер Достастығының Жарғылық органдары жанындағы Қазақстанның Тұрақты өкілі Тимур Жақсылықов Тәуелсіз Мемлекеттер Достастығының Жарғылық және басқа органдары жанындағы қатысушы мемлекеттердің Тұрақты өкілетті өкілдері кеңесінің отырысында сөз сөйлеп, 2026 жылғы 15 наурызда Қазақстан Республикасының жаңа Конституциясы жобасы бойынша алдағы референдум туралы хабардар етті. Сонымен бірге Елші Қазақстан Президенті Қасым-Жомарт Тоқаевтың бастамасымен жүзеге асырылып жатқан реформаның тұжырымдамалық негіздері мен құжаттың негізгі новеллаларын ұсынды.

Елші жаңа Конституция жобасының негізгі ережелерін ұсына отырып, конституциялық реформа Қазақстан Президенті Қасым-Жомарт Тоқаевтың дәйекті саяси өзгерістерінің логикалық жалғасы болып табылатынын атап өтті.

Қазақ дипломаты Қазақстан Республикасының Негізгі Заңына енгізілген тұжырымдамалық түзетулер мемлекеттің адами бағдарлануын арттыруға, Қазақстан халқының қазіргі құндылықтары мен қағидаттарын көрсетуге және республиканың саяси институттарының тиімділігін арттыруға бағытталғанына ерекше назар аударды.