Қазақстан мен Финляндия денсаулық сақтау саласындағы диалогты кеңейтуде

Қазақстанның Финляндиядағы Елшісі Азамат Әбдіраимов жетекші скандинавиялық медициналық және оңалту жабдықтарын өндірушілердің бірі финдік «Lojer Group» компаниясының өндірістік зауытына барды.

Сапар барысында Елші өндірістің толық циклімен, заманауи технологиялық жобаларымен және компанияның өнімнің жоғары сапасын қамтамасыз ету тәсілдерімен танысты. Компанияның жабдықтары әлемнің 115-тен астам елінде қолданылуда.

Кездесу аясында қазақ дипломаты «Lojer Group» басшылығымен Қазақстанда фин медициналық жабдықтарын өндіруді оқшаулау мәселелерін қоса алғанда, ынтымақтастық перспективаларын талқылады және медициналық технологиялар саласындағы бірлескен жобаларды дамыту әлеуетін атап өтті.

Кездесу қорытындысы бойынша тараптар медициналық жабдық саласындағы практикалық ынтымақтастықты одан әрі дамытуға уағдаласты.